ހުމާލޭގެ މުނިޕަލް ޚިދުމަތްދެމުންދާ ގޮތުގެ މައުލޫމާތު މާލެ ސިޓީ ކައުންސިލްގެ އިންތިޚާބީ މޭޔަރާއި، ހުޅުމާލޭ ދާއިރާގެ ފުރަތަމަ ކައުންސިލަރު އިބްރާހިމް ޝުޖާ އޮޅުންފިލުވައިފިއެވެ.
މިއަދު ހުޅުމާލޭ ޑިވެލޮޕްމަންޓް ކޯޕަރޭޝަން (އެޗްޑީސީ)ގައި އޮތް މިބައްދަލުވުމުގައި އެޗްޑީސީގެ މެނޭޖްމަންޓުގެ އިސް ބޭފުޅުންނާއި، މާލެ ސިޓީ ކައުންސިލްގެ އިންތިޚާބީ މޭޔަރު ޑރ.މުއިއްޒުއާއި، ހުޅުމާލޭ ކައުންސިލަރ ސުޖާ ވަނީ ބައިވެރި ވެ ވަޑައިގެންފައެވެ.
ހުޅުމާލޭގެ ރައްޔިތުންނަށް ދެވޭ މުނިސިޕަލް ޚިދުމަތްތަކާއި ގުޅޭ ގޮތުންނާއި، މިހާރު މި ޚިދުމަތްތައް @hdcmaldives ފޯރުކޮށްދެމުން ގެންދާ ގޮތުގެ މަޢުލޫމާތު ސާފުކުރުމަށްމޭޔަރ އިލެކްޓް ޑރ.@MMuizzu އާއި އަޅުގަނޑު އެޗްޑީސީގެ މެނޭޖްމަންޓާއެކު ބޭއްވި ބައްދަލުވުމުގެ ތެރެއިން. pic.twitter.com/wRBeJLPRvX
— Ibrahim Shujau ? (@shuja3831) May 4, 2021
މިބައްދަލުވުމައި މަޝްވަރާ ކުރެވިފައިވަނީ ހުޅުމާލޭގެ ރައްޔިތުންނަށް ދެވޭ މުނިސިޕަލް ޚިދުމަތްތަކާއި ގުޅޭ ގޮތުންނާއި، މިހާރު މި ޚިދުމަތްތައް އެޗްޑީސީން ފޯރުކޮށްދެމުން ގެންދާ ގޮތާއި ގުޅޭ ގޮތުންނެވެ. އަދި މިނޫންވެސް އެޗްޑީސީން ފޯރުކޮށްދޭ ޚިދުމަތްތަކާއި ގުޅޭ މަޢުލޫމާތު ވަނީ ސާފުކުރައްވާފައެވެ. ހުޅުމާލޭގެ އިންތިޚާބީ ކައުންސިލަރު ޝުޖާ ވިދާޅުވެފައިވަނީ ހުޅުމާލޭ ރައްޔިތުންގެ ކަންބޮޑުވުން ތަކަށް ޙައްލުހޯދުމުގައި އަޅުގަނޑު ވަރުބަލިވުމެއްނެތި މަސައްކަތްކޮށްދޭނެ ކަމުގެ ޔަޤީންކަން ދެއްވާކަމަށެވެ.
މި ބައްދަލުވުން އިންތިޒާމުކޮށްދެއްވިކަމަށްޓަކައި އެޗްޑީސީގެ މެނޭޖްމަންޓާއި، މުވައްޒަފުންނަށް ޝުކުރު ދަންނަވަން. ހުޅުމާލޭ ރައްޔިތުންގެ ކަންބޮޑުވުން ތަކަށް ޙައްލުހޯދުމުގައި އަޅުގަނޑު ވަރުބަލިވުމެއްނެތި މަސައްކަތްކޮށްދޭނެ ކަމުގެ ޔަޤީންކަން އަރުވަން.
– ޝުޖާ ވިދާޅުވިއެވެ.
ޝުޖާވަނީ ކައުންސިލް އިންތިޚާބުގައިވެސް ހުޅުމާލޭގެ ރައްޔިތުން ދެންނެވި ކަންކަން ކޮށްދެއްވުމަށް ކުރެވެން އޮތް ހުރިހާ މަސައްކަތެއް ކުރައްވާނެކަމަށް ވިދާޅުވެފައެވެ. އިންތިޚާބުވުމަށްފަހުވެސް ޝުޖާ ގެންދަވަނީ ހުވާ ކުރެއްވުމުގެ ކުރިން ހުޅުމާލޭގައި ހުރި މައްސަލަތައް ހައްލު ހޯދުމަށް ގިނަ މަސައްކަތްތަކެއް ކުރައްވަމުންނެވެ.
ކޮމެންޓު ފޮނުވާ