ބެލުންތެރިން އެންމެ އިންތިޒާރު ކުރަމުންދާ ފިލްމު "ރާދޭ: ޔުއާ މޯސްޓް ވޯންޓެޑް ބާއީ"ގެ ޓްރެއިލާރ ވަނީ މިދިޔަ ބުރާސްފަތި ދުވަހުގައި އާންމުކޮށްފަ އެވެ. ހީކުރި ގޮތާއި ޚިލާފަށް މި ޓްރެއިލާއާއި ބެހޭގޮތުން ވަރަށް ގިނަ މީމްސް އަދި ޖޯކުތައް ވަނީ ހަދާފައެވެ.
މި މީމްސް ތަކުގެ ތެރެއިން އެންމެ ފާހަގަ ކޮށްލެވެނީ ބެލުންތެރިއަކަށް ސަލްމާން ލައިގެން ހުރީ އޭނާ "ރޭސް 3″ ގައިވެސް ލާފާ ހުރި ސޫޓޫކަން ފާހަގަވެގެން ހަދާފާވާ މީމް އެކެވެ. އެގޮތުން މި ފަރާތުން ޓްވީޓް ކޮށްފައިވަނީ "އެއް ސޫޓެއް، ތަފާތު ޗިކެއް" މިހެންނެވެ.
Race 3 Radhe
Same clothes, diff chick??#RadheThisEid #RadheTrailer #RadheYourMostWantedBhai #SalmanKhan pic.twitter.com/mkfQyLmE8n
— RB? (@NeverUnfinished) April 22, 2021
ރޭސް 3އެއްގައި ސަލްމާން ފެނިގެން ގޮސްފައިވަނީ ޖެކޮލިން ފެރްނާންޑޭޒް އާ އެކުގައެވެ. އަދި ރާދޭގައި އޭނާ ފެނިގެން ދާނީ ދިޝާ ޕަޓާނީއާ އެކުގައެވެ. ދިޝާއަކީ ސަލްމާނަށް ވުރެ 25 އަހަރު ޖޫނިއާ ފަންނާނެއް ކަންވެސް ފާހަގަކޮށްލެވެ އެވެ.
މި ފިލްމަކީ ޕްރަބޫދޭވާ ޑައިރެކްޓު ކޮށްފައިވާ އަދި ސަލްމާން ޚާން ލީޑު ރޯލުން ފެނިގެންދާ ފިލްމެކެވެ. ރާދޭ އިން ސަލްމާން ފެނިގެންދާނީ އެންކައުންޓަރ ސްޕެޝިލަސްޓެއްގެ ގޮތުގައެވެ. އެގޮތުން އޭނާ މަސައްކަތް ކުރަނީ ޑްރަގްގެ ވަބާއިން މުމްބާއީ ސަލާމަތް ކުރުމަށެވެ. މި ފިލްމުގައި ނުބައިމީހެއްގެ ރޯލުން ފެނިގެންދާނީ ރަންދީޕް ހޫޑާއެވެ. ސަލްމާނާއި ރަންދީޕްވަނީ ސުލްތާންގައިވެސް އެކުގައި މަސައްކަތް ކޮށްފައެވެ.
މި ފިލްމު ރިލީސް ކުރަން ހަމަޖެހިފައިވަނީ ފިތުރު ޢީދާ ދިމާކޮށް މޭމަހުގެ 13 ވަނަ ދުވަހު އެެވެ.
