ލިޔޯންގެ މެމްފިސް ޑިޕާއީ ޖެނުއަރީ މަހު ގެންނަން ޝައުގުވެރިވާ ކަމަށް ބާސެލޯނާގެ ކޯޗު ރޮނާލްޑް ކޫމަން ބުނެފި އެވެ.
ލިޔޯންގެ ކޮންޓްރެކްޓް އާކުރަން ޑިޕާއީ ބޭނުންނުވާތީ، ޖެނުއަރީ މަހު އޭނާ ވިއްކާލަން ލިޔޯނަށް ވަނީ މަޖުބޫރު ވެފައެވެ. ކޫމަންގެ ކޯޗުކަމުގައި ނެދަލެންޑްސް ގައުމީ ޓީމަށް ކުޅެފައިވާ ޑިޕާއީ ގަންނަން ބާސެލޯނާ އިން ނިމިދިޔަ ޓްރާންސްފާގައި މަސައްކަތްކުރި އެވެ. ކުޅުންތެރިޔާ ވިއްކާލަން ލިޔޯނުން އޭރުވަނީ ދެކޮޅު ހަދާފައެވެ.
" މެމްފިސް އަކީ ވަރުގަދަ ކުޅުންތެރިއެއް. އެހެންކަމުން އަހަރެމެން އޭނާ ބޭނުން، އޭނާ ލިބިއްޖެ ކަމަށްވާނަމަ މިހާރަށް ވުރެ ބޮޑަށް އެޓޭކުގައި އިތުރު އޮޕްޝަންތަކެއް ލިބޭނެ "
– ކޫމަން
ޖެނުއަރީ މަހު ކްލަބުގެ މާލީ ހާލަތު އޮންނާނެ ގޮތެއް މިވަގުތު ބުނަން ނޭގޭކަމަށާއި، ޑިޕާއީ ހޯދަން މަސައްކަތްކުރުމަކީ ޔަގީނުން ވެސް ވެދާނެ ކަމެއް ކަމަށާއި އެކަމަށް ވަރަށް ބޮޑަށް މަސައްކަތްކުރާނެ ކަމަށް ކޫަމަން ވަނީ ބުނެފައެވެ.
ކޮމެންޓު ފޮނުވާ