އިއްޔެ ބޭއްވުނު ވާދަވެރި ލޯކަލް ކައުންސިލް އިންތިޚާބުގައި، ވެރިކަން ކުރާ އެމްޑިޕީއަށް ރާއްޖޭގެ އާބާދީ ބޮޑެތި ބެއެއް ސިޓީތަކުގެ މެޖޯރިޓީ ގެއްލިފައިވާއިރު، ރައްޖޭގެ އެންމެ އާބާދީ ބޮޑު އެއް އަތޮޅު ކަމުގައިވާ، ގދ އަދި ގއ އަތޮޅުގެ އަތޮޅު ކައުންސިލްގެ ރައީސްކަންވެސް އެމްޑިޕީއަށް ގެއްލިއްޖެއެވެ.
ގދ. އަތޮޅު ކައުންސިލްގެ ރައީސްކަން ކާމިޔާބު ކުރެއްވީ، ޕީޕީއެމްގެ ޓިކެޓުގައި ވާދަކުރެއްވި ހަސަން ފައިހަތު ގުދުރަތުﷲއެވެ. ފައިހަތުއާއ،ި އެމްޑިޕީގެ ޓިކެޓުގައި ވާދަކުރެއްވީ، ތިނަދޫގެ ރައްޔިތެއްކަމުގައިވާ މުހައްމަދު ހަސަން (ކެޔޮޅު) އެވެ. ގއ އަތޮޅުގެ އަތޮޅު ކައުންސިލް ރައީސްކަން ކާމިޔާބު ކުރެއްވީވެސް ޕީޕީއެމްގެ ޓިކެޓުގައި ވާދަކުރެއްވި އިބުރާހިމް ޝިހާންއެވެ. އޭނާއި ވާދަކޮށް ދެވަނައަށް އެންމެ ގިނައިން ވޯޓު ނެންގެވީ އެމްޑީޕީގެ ޓިކެޓުގައި ވާދަ ކުރެއްވި އަހުމަދު ފުއާދުއެވެ.
އަދި މި އިންތިޚާބުގައި، ފުރަތަމަ ފަހަރަށް ތިނަދޫގެ ކައުންސިލަށްވަނީ އިދިކޮޅު ޕީޕީއެމްގެ 3 މެމްބަރަކުވެސް އިންތިޚާބު ވެފައެވެ. ފާއިތުވެދިޔަ 2 ދައުރުގައިވެސް ތިނަދޫ ކައުންސިލަށް އިންތިޚާބު ވެފައިވަނީ އެމްޑިީގެ މެމްބަރުންނެވެ.
މީގެ އިތުރުން، ހުވަދު އަތޮޅުގެ ދެވައަށް އެންމެ އާބާދީ ބޮޑު އެއް ރަށް ކަމުގައިވާ ގއ. ވިލިގިލީ ކައުންސިލްގެ މެޖޯރިޓީވެސް ވަނީ އެމްޑިޕީއަށް ގެއްލިަފއެވެ. 7 މެމްބަރުންގެ މައްޗަށް އެކުލެވިފައިވާ މި ކައުންސިލްގެ 4 ގޮޑި ވަނީ އިދިކޮޅު ޕީޕީއެމް އިން ކާމިޔާބު ކޮށްފައެވެ.
މުޅި ރާއްޖޭގެ ބޮޑެތި އާބާދީތަކުގެ މެޖޯރިޓީ ވެރިކަންކުރާ އެމްޑިޕީއަށް ގެއްލިގެން ގޮސްފައިވާއިރު، މާލެ ސިޓީގެ މެޖޯރިޓީވެސް އިދިކޮޅު ޕީޕީއެމްއިން ވަނީ ނަގާފައެވެ. މިގޮތުން، މާލެސިޓީގެ 12 ގޮޑިއެއް ޕީޕީއެއްއިން ކާމިޔާބު ކޮށްފައިވާއިރު، އެމްޑީޕީއަށް ވަނީ މާލޭ ސިޓީ ކައުންސިލްގެ މެޖޯރިޓީވެސް ގެއްލިފައެވެ.
މިއީ، ލާމަރުކަޒީ ގާނޫނުގެ ދަށުން ކައުންސިލަރުން އިންތިހާބުކުރަން ފެށިތާ 10 އަހަރުގެ ތެރޭގައި މާލޭގެ މޭޔަރުކަން، ޕީޕީއެމްގެ ބޭފުޅަކަށް ލިބިވަޑައިގަތް ފުރަތަމަ ފަހަރެވެ.
