ލ.ކައްދޫ ކައިރިން މޫދަށް ފޭބި ސިފައިންގެ މީހުންގެ ތެރެއިން ގެއްލިގެން ހޯދަމުންދިޔަ މީހާގެ ހަށިގަނޑު މޫދު އަޑިން ފެނިފައިވާކަމަށް އެމްއެންޑީއެފްއިން ބުނެފިއެވެ.

އެމްއެންޑީއެފްއިން ބުނެފައިވަނީ މިމީހާގެ ހަޑިގަނޑު އެމްއެންޑީއެފްގެ ޑައިވަރުން ހޯދަމުން ދަނިކޮށް ފެނިފައިވަނީ މީގެ އިރުކޮޅެއް ކުރިންކަމަށެވެ.

އެމްއެންޑީއެފް އިން ބުނީ، ލ.ކައްދޫގެ އިރުމަތީ ފަރާތު މޫދަށް ފޭބި 4 ސިފައިންގެ ތެރެއިން ލާންސްކޯޕްރަލް ޙުސައިން ފާރިޝް ގެއްލިގެން ހޯދަަން ފަށާފައިވަނީ މިއަދު ހަވީރުން ފެށިގެންނެވެ. އޭނާ ހޯދުމުގެ މަސައްކަތް އެމްއެންޑީއެފް ސެންޓްރަލް އޭރިއާގެ ކޯސްޓްގަޑް ސްކޮޑަރުންގެ ޑައިވަރުން ކުރަމުން އަންނަނިކޮށް ފެނުނީ މީގެ އިރުކޮޅެއް ކުރިންނެވެ.

މި ހާދިސާގެ ރިޕޯޓް އެމްއެންޑީއެފް އަށް ލިބިފައިވަނީ ހަވީރު 17:40 ހާއިރުކަމަށްވެސް އެމްއެންޑީއެފް އިން ބުންޏެވެ.