ބޮލީވުޑާއި ހޮލީވުޑްގެ މަޝްހޫރު ބަތަލާ ޕްރިޔަންކާ ޗޯޕްރާ ހިންދީ ފިލްމަކުން ނުފެންނަތާ ދުވަސްތަކެއް ވަނީ ވެފައެވެ. ނަމަވެސް ޕްރިޔަންކާ ވަނީ އޭނާ އަންނަ އަހަރު ހިންދީ ސިނަމާއިން ފެނިގެން ދާނެކަމަށް ބުނެފަ އެވެ.
ޝޫޓިންގ ގެ ބްރޭކް ގަޑީގައި ޕްރިޔަންކާ ވަނީ ޓްވިޓާގައި "އާސްކް މީ އެނީތިންގ" ގެ ސެޝަން އެއް ކުރިއަށް ގެންގޮސްފަ އެވެ. މި ސެޝަންގައި ފޭނަކު ކުރި ސުވާލަކަށް ޖަވާބު ދެމުން ޕްރިޔަންކާ ބުނެފައިވަނީ އަންނަ އަހަރު ހިންދީ ފިލްމަކުން ފެނިގެން ދާނެކަމަށެވެ. ނަމަވެސް އިތުރު ތަފްސިލެއް ނުދެއެވެ.
Next year!!! @Achal_Raj_Singh https://t.co/5OWzRPwkti
— PRIYANKA (@priyankachopra) March 26, 2021
އެންމެ ފަހުން ޕްރިޔަންކާ ފެނިގެންދިޔައީ 2019 ގައި ސޮނާލީ ބޯސް ގެނެސްދިން ފިލްމް "ސްކައި އިޒް ޕިންކް" އިން ފަރްހާން އަޚްތަރާ އެކުގައެވެ.
މީގެ އިތުރުން ފޭނަކު ރިޗަޑް މެޑަން އާއި އެކު ޝޫޓިންގ ކުރިއަށްދާ ގޮތާއި ބެހޭގޮތުން ކުރި ސަުވާލަކަށް ޕްރިޔަންކަ ބުނެފައިވަނީ ވަރަށް މަޖާކަމަށާއި، ރިޗަޑް އަކީ ބެސްޓް ކަމަށެވެ. މި ސެޝަންގައި ޕްރިޔަންކާ ވަނީ ސޯޝަލް މީޑިއާގައި ކުރިމަތިވާ ނެގެޓެވިޓީގެ ވާހަކަ ވެސް ދައްކާފަ އެވެ.
.@_richardmadden is the best. So much fun @gandhirks #Citadel https://t.co/4CfXJSWss1
— PRIYANKA (@priyankachopra) March 26, 2021
ޕްރިޔަންކާ މި ވަގުތު ހުރީ ފިލްމް "ސިޓަޑެލް"ގެ ޝޫޓިންގައިއެވެ. އޭނާ ވަނީ ފިލްމް "ޓެކްސްޓްް ފޯ ޔޫ"ގެ ޝޫޓިން ނިންމާލާފަ އެވެ. މި ފިލްމުގައި ޕްރިޔަންކާ އާއި އެކު ސޭމް ހިއުގަން އަދި ސެލިން ޑީއޯން ވެސް ފެނިގެން ދާނެއެވެ.
