ޕްރިޔަންކާ ޗޯޕްރާ އޭނާގެ ދެބެންގެ ދެދަރި ކޮއްކޮ ޕަރީނިތީ ޗޯޕްރާ އާ މެދުގައި ފަޚުރުވެރި ވާކަމަށާއި ޕަރީނީތީގެ ފަހުގެ ފިލްމު ސައިނާ ބެލުމަށް ކެތްމަދުވެފައިވާ ކަމަށް ޕްރިޔަންކާ ބުނެފިއެވެ.
އޭނާ މިހެން ބުނެފައިވަނީ މިދިޔަ ބުރާސްފަތި ދުވަހު ކުރި ޓްވީޓެއްގަވެ.
ބުރާސްފަތި ދުވަހު މި ޕޯސްޓު ކޮށްފައިވާއިރު މި ފިލްމު ރިލީސް ކޮށްފައިވަނީ ހުކުރު ދުވަހު އެވެ. އަމޯލް ގުޕްތާ ޑައިރެކްޓް ކޮށްފައިވާ މި ފިލްމަކީ ބެޑްމިންޓަން ކުޅުންތެރިއެއް ކަމަށްވާ ސައިނާ ނޭހްވަލްގެ ދިރިއުޅުމުގެ މައްޗަށް ބިނާކޮށްފައިވާ ފިލްމެކެވެ. އަދި ފިލްމުގެ ޕްރޮޑިއުސަރުންނަކީ ބޫޝަން ކުމާރް، ކްރިޝަން ކުމާރް، ސުޖޭ ޖޭރާޖް އަދި ރާޝޭޝް ޝާހެވެ.
Tisha… so proud of your drive, hard work and for pushing yourself as an artist. Lots of love and luck for #Saina #Hattrick @ParineetiChopra pic.twitter.com/wlu51idsSQ
— PRIYANKA (@priyankachopra) March 26, 2021
މި ފިލްމުގެ ޓީޒާއަށް ސައިނާ އަމިއްލައަށްވެސް ވަނީ ކޮމެންޓުކޮށްފަ އެވެ. އެގޮތުން ސައިނާގެ ރޯލު އަދާ ކޮށްފައިވާ ޕަރީނީތީއަށް ސައިނާވަނީ ތައުރީފު ކޮށްފައެވެ.
View this post on Instagram
މި ފިލްމުގައި އެންމެ ފުރަތަމަ ސައިނާގެ ރޯލު ހުށަހެޅީ ޝްރަދާ ކަޕޫރަށެވެ. އެހެންނަމަވެސް ޝޫޓިން ފެށުނުތަނާ ޝްރަދާއަށް ޑެންގޫ ޖެހިގެން އެއްމަސް ވަންދެން އެދުމަތި ވާން ޖެހުނީއެވެ. ބަލިން ރަނގަޅު ވުމަށް ފަހުވެސް އޭނާގެ ހާލަތު ފިލްމު ކުޅެވޭވަރަށް ރަނގަޅު ނުވުމުން ފިލްމަށް ޕަރިނީތީ ހަމަޖެއްސީއެވެ.
މި ފިލްމުގެ ޝޫޓިންގ އަށް ޝްރަދާ ވަނީ ޓެނިސް ކުޅުމަށް ޕްރެކްޓިސްވެސް ކޮށްފަ އެވެ. ނަމަވެސް ޝްރަދާ އަށް ޝޫޓިންގ އިތުރަށް ކުރިއަށް ގެންދަން ދަތިވުމުގެ ސަބަބުން ޕަރިނީތީ ހަމަޖެއްސީކަމަށް އަމޯލް ވަނީ އިންޓަވިއުއެއްގައި ބުނެފައެވެ.
