މާލޭ ސިޓީ ކައުންސިލުން ކުއްޔަށް ދޫކޮށްފައިވާ ބިންބިމާއި އެނޫންވެސް ތަންތަނުން ދައްކަންޖެހޭ ކުލި ކައުންސިލަށް ދައްކާގޮތަށް ހަމަޖައްސަމުން އަންނަކަމަށް އެކައުންސިލުން ބުނެފި އެވެ.
ރޭ ޕީއެސްއެމްގެ ރާއްޖެ މިއަދު ޕްރޮގްރާމްގައި ވާހަކަފުޅު ދައްކަވަމުން މާލެ ސިޓީގެމޭޔަރު ސިފާ މުޙައްމަދު ވިދާޅުވީ، މާލެ ސިޓީ ކައުންސިލްގެ ބެލުމުގެ ދަށުގައިހުރި ބިންބިމާއި މާރުކޭޓްތަކާއި އެނޫންވެސް ތަންތަނުގެ ކުލި މިހާރު ބަލައި ގަންނަމުން އަންނަނީ "މީރާ" އިން ކަމަށެވެ. ނަމަވެސް ކުރިއަށް އޮތްތަނުގައި އެކުލިތައް ސީދާ ކައުންސިލަށް ބަލައިގަންނަގޮތަށް ހަމަޖެއްސުމުގެ މަސައްކަތްކުރަމުން އަންނަކަމަށް ސިފާ ވިދާޅުވި އެވެ. އެގޮތުން ބައެއް ތަންތަނުގެ ކުލި މިހާރުވެސް ކައުންސިލަށް ބަލައިގަންނަން ފަށާފައިވާކަން ފާހަގަކުރައްވާ ސިފާ ވިދާޅުވީ އޭގެ ތެރޭގައި ވިލިމާލޭގަިއ ހުރި ބައެއް ބިންތައްވެސް ހިމެނޭކަމަ ށެވެ.
މިހާރު ސިޓީ ކައުންސިލަށް ދައްކަން ޖެހޭ ގިނަ ކަންކަމުގެ ކުލި ބަނޑޭރި ޕޯޓަލް މެދުވެރިކޮށް ދެކޭގޮތް ހަދާފައިވަނީ
-މާލޭގެ މޭޔަރު ސިފާ މުޙައްމަދު
މީގެ އިތުރުން ކައުންސިލުން ފޯރުކޮށްދޭ ޚިދުމަތްތައް ހޯދާ ފަރަތްތަކަށް ލުއިފަސޭހަ ކޮށްދިނުމުގެ ބޭނުމުގައި ހޮޓްލައިނެއްވެސް ކައުންސިލުން މިހާރު ޤާއިމްކޮށްފައިވާކަމަށް މޭޔަރު ވިދާޅުވިއެވެ. އެގޮތުން 1622″ އަށް ގުޅުމުން އެ ޚިދުމަތަކާއި ގުޅޭ ސެކްޝަނަށް ކޯލް ޑައިވަރޓްވާނެކަމަށް ސިޓީ ކައުންސިލުން ބުނެއެވެ. އެހެންކަމުން ކައުންސިލުން ފޯރުކޮށްދޭ 28 ޚިދުމަތެއް ހޯދުމަށް ކޯލް ސެންޓަރަށް ގުޅައިގެން ލިބޭނެކަމަށްވެސް މާލެ ސިޓީގެމޭޔަރު ވިދާޅުވި އެވެ.
ކޮމެންޓު ފޮނުވާ