އިންޓަރނެޓްގެ އަގު ބޮޑުކޮށް ސްޕީޑް ދަށްކޮށް ހިފަހައްޓަާއިގެން ހުރީ ކުރީގެ މިނިސްޓަރ މުޙައްމަދު މަލީޙް ޖަމާލް ނޫންކަން އެނގިެއްޖެކމަށް އެމްޑީޕީގެ މެންބަރު އަދި މަޝްހޫރު ލަވަކިއުންތެރިޔާ މުޙައްމަދު މަޖީދު (މެޒޯ މޯޑް) ބުނެފިއެވެ.
މެޒޯ މޯޑް މިހެން ބުނެފައި މިވަނީ، އިންޓަރނެޓް ސްޕީޑް މަތިކޮށް އަގު ހެޔޮކުރުމަކީ ސަރުކާރުގެ ވާއުދަކަށް ވާއިރު، އެކަން ނުކުރީ ކުރީގެ ކޮމިއުނިކޭޝަން މިނިސްޓަރ މުޙައްމަދު މަލީޙްކަމަށް ބައެއް އެމްޑީޕީއަށް ތާޢީދުކުރާ ފަރާތްތަކުން ބުނެފައިވަނިކޮށެވެ. ކުރީގެ ވަޒީރު މަލީޙް ވިދާޅުވެފައިވަނީ އިންޓަރނެޓް އަގުހެޔޮ ކުރުމަށް މިނިސްޓްރީން ކުރަންޖެހޭ އެންމެހާ ކަންކަން ފުރިހަމަކޮށް ރައީސުލްޖުމްހޫރިއްޔާގެ އޮފީހަށް ފޮނުއްވާފައިވާކަމށެވެ. މިނިސްޓްރީން ފުރިހަމަކުރަންޖެހޭ ކަންކަން 2019 ވަނަ އަހަރުގެ ޖޫން މަހުގެ ނިޔަލަށް ނިންމާފައިވާކަމަށް ވިދާޅުވެފައިވެއެވެ. އިންޓަރނެޓްގެ އަގުހެޔޮ ކުރުމަށް ކުރަމުން އަންނަ މަސައްކަތުގެ ވާހަކަ ރައީސް އޮފީހުގެ ޕޮލިސީ އޮފީހުން އަދި ދައްކާފައެއް ނުވެއެވެ.
Internet ge agu bodukoh speed dhakkoh hifahattaigen huree Maleeh noon kan yageen vejje.. ☝️
— mezzomohamed (@mezzomohamed) March 23, 2021
ސަރުކާރުން އެކުލަވާލި ސްޓްރެޓެޖިކް އެކްޝަން ޕްލޭންގައި ވަނީ 2021 ގައި ކުރާނެކަމަށެވެ. ނަމަވެސް މިސަރުކާރު އައުމަށް ވީ ވަޢުދު ނުފުއްދޭތީ ގިނަ ބަޔަކު އަންނަނީ ކަންބޮޑުވުން ފާޅުކުރަމުންނެވެ. ބައެއް ފަރާތްތަކުން އަންނަނީީ މިނިސްޓަރ މަލީހު ދުރުކުރުމުންވެސް އިންޓަރނެޓްގެ އަގު ހެޔޮވެއްޖެތޯ ސުވާލުކުރަމުންނެވެ.
ދެކުނު އޭޝިއާ ސަރަހައްދުންވެސް އިންޓަރނެޓްގެ ސްޕީޑް އެންމެ ދަށް އަދި އަގުބޮޑު ޤައުމަކީ ރާއްޖެކަމަށް ދިރާސާތަކުން ދައްކައެވެ.
ކޮމެންޓު ފޮނުވާ