މިހާރު ފެންނަމުންދަނީ މާލޭ ސިޓީގެ މޭޔަރުކަމަށް ވާދަކުރައްވާ ޕީޕީއެމްގެ ކެނޑިޑޭޓ،ް ކުރީގެ ހައުސިން މިނިސްޓަރ ޑރ. މުޙައްމަދު މުޢިއްޒުގެ ފަހަތުން މުޅި ސަރުކާރު ދުވާ މަންޒަރު ކަމަށް އެ ޕާޓީން ބުނެފި އެވެ.
ޕްރޮގްރެސިވް ޕާޓީ އޮފް މޯލްޑިވްސްގެ އިންތިޚާބު ކޮމިޓީގެ ފަރާތުން މިއަދު ބޭއްވި ނޫސްވެރިންގެ ބައްދަލުވުމުގައި، ގައްދޫ ދާއިރާގެ ކުރީގެ މެމްބަރު އަޙްމަދު ރަޝީދު ވިދާޅުވީ މިއިންތިޚާބު މުޢިއްޒު ބޮޑުތަކުން ކާމިޔާބުކުރައްވާނެކަން ސަރުކާރަށް ގަބޫލުކުރެވިއްޖެ ކަމަށެވެ. އެހެންކަމުން އެކަމުގެ ކަންބޮޑުވުމާއެކު މުޅި ސަރުކާރު މިހާރު މުޢިއްޒު ފަހަތުން ދުވުން ނޫން ކަމެއް ނެތްކަމަށެވެ.
"ސަރުކާރުން މިހާރު މުއިއްޒުގެ މައްޗަށް ދަޢުވާކުރެވޭނީ ކޮންކަމެއްތޯ ބަލައި އެކަންކަމާ ދޭތެރޭ ފާރަަލައި ހިނގަމުން ދަނީ"
– އަޙްމަދު ރަޝީދު
އަޙްމަދު ރަޝީދު ވިދާޅުވީ މިފަދަ އެއްވެސް ކަމަކަށް ޖެހިލުމެއްނެތި މުޢިއްޒު މާލޭގެ މޭޔަރުކަން ކާމިޔާބު ކުރާނެ ކަމަށެވެ. އަދި މިނޫންވެސް މިފަދަ ކިތަންމެ އުނދަގުލާއި ތުރާލެއް ސަރުކާރާއި އެހެނިހެން އިދާރާތަކުގެ ފަރާތުން އިދިކޮޅުގެ ކެނޑިޑޭޓުންނަށް އަންނާނެކަމަށާއި އެފަދަ އުދަގުލަކަށް ނުބަލައި ހުރިހާ ކެނޑިޑޭޓުންވެސް މަސައްކަތްކޮށް މި އިންތިޚާބު ކާމިޔާބުކުރަން ރަޝީދު ވަނީ ކެނިޑިޑޭޓުން ކިބައިން އެދިލައްވާފައެވެ.
މީގެ އިތުރުން ދިވެހި ރައްޔިތުން ވެސް މާޒީވެ ދިޔަ ތަނުން އިބްރަތް ހާސިލްކޮށް ކުރިން ހެދުނު ގޯސް ތަކުރާރު ނުވާނެހެން އިދިކޮޅު "މީ މަގޭ ރާއްޖެ" ކެނޑިޑޭޓުންނަށް ވޯޓު ދިނުމަށް އިންތިޚާބު ކޮމިޓީގެ ފަރާތުން ވަނީ އިލްތިމާސްކޮށްފައެވެ.
