ޔޮޓް ޓުއާސް އަށް 22 މިލިއަން ޑޮލަރު ދިނުމަށް އެލައިޑް އިންޝުއަރެންސްގެ މައްޗަށް ކުރި ހުކުމް ތަންފީޒު ކުރުން ފަސް ކުރުމުގެ އަމުރެއް ހައިކޯޓުން ނެރެފިއެވެ.
ކާށިދޫ ދާއިރާގެ މެމްބަރު އަބްދުﷲ ޖާބިރުގެ ޔޮޓް ޓުއާސް ކުންފުންޏަށް 22 މިލިއަން ޑޮލަރު ހަ މަސް ތެރޭގައި ދައްކަން އެލައިޑްގެ މައްޗަށް ސިވިލް ކޯޓުން ހުކުމްކުރީ ޔޮޓް ޓުއާސް އިން ކުރިން ހިިންގި ހއ. އަލިދޫ ރިސޯޓަށް 2014 ވަނަ އަހަރު ލިބުނު ގެއްލުންތަކެއްގެ އިންޝުއަރެންސްގެ ގޮތުގަ އެވެ.
އި ކޯޓުން މިރޭ ނެރުނު އަމުރުގައިވަނީ އެލައިޑާ އެއްކޮޅަށް ހައި ކޯޓުން މައްސަލަ ނިމޭ ހާލަތެއްގައި އެލައިޑުން ޔޮޓް ޓުއާސްއަށް ދެއްކި 22.7 މިލިއަން ޑޮލަރު އަނބުރާ އެ ކުންފުންޏަށް ނުލިބުމުގެ ފުރުސަތު ބޮޑު ކަމަށް އެލައިޑުން ބުނާ ކަމަށެވެ.
ހައިކޯޓުން މިއަދު ވަނީ އެ އަމުރު ނެރެދީފައެވެ. އެ އަމުރުގައި ވަނީ މައްސަލަ ބަލާ އެ ކޯޓުން ހުކުމް ކުރަންދެން ނުވަތަ ހައިކޯޓުން ވަކ ގޮތެއް ކަނޑައަޅަންދެން ސިވިލް ކޯޓްގެ ހުކުމް ތަންފީޒު ކުރުމުގެ ގޮތުން އެއްވެސް ފިޔަވަޅެއް ނޭޅުމަށް އަންގާފައެވެ. އެ އަމުުރު ނެރުނު ސަބަބުތައްވެސް ވަނީ ހިމަނާފައެވެ.
އެލައިޑުން ބުނީ ސިވިލް ކޯޓުން ކުރި އެ ހުކުމާމެދު ހިތްހަމަ ނުޖެހޭ ކަމަށެވެ. އަދި މި މައްސަލަ ހައިކޯޓުގައި ވަނީ އިސްތިއުފާނުކޮށްފައެވެ. މަދަނީ މައްސަލަތަކުގައި ކުރާ ހުކުމްތައް އިސްތިއުނާފަށް ހުށަހަޅާއިފި ނަމަ އެ މައްސަލަ ވަކި ގޮތަކަށް ނިމެންދެން ހުކުމް ތަންފީޒު ކުރުން ފަސްކުރެ އެވެ.
އެކަމަކު އެލައިޑްގެ ފަރާތުން އެ އަމުރަށް އެދި ދެން ފާހަގަކުރި ސަބަބުތަކަކީ ޚާއްސަ ކަންތައްތަކެއް ކަމަށް ނުބެލެވޭ ކަމަށް އެ އަމުރުގައިވެ އެވެ. އެއީ ވިޔަފާރިއަށް ގެއްލުންވުމާއި ކަސްޓަމަރުން ގެއްލުމުގެ ބިރާއި އެހެން ފަރާތްތަކަށް ދައްކަން ޖެހޭ ފައިސާ ނުދެއްކިދާނެ ކަމަށް އެލައިޑުން ބުނާ ބުނުމެވެ.
ކޮމެންޓު ފޮނުވާ