ދީނުގެޢިލްމުވެރިން ދުލުގެ ޢިއްފަތްތެރިކަމަށް އިސްކަން ދެއްވާނެކަމަށް ވިދާޅުވެ ކުރީގެ ރައީސް މައުމޫން ޢަބްދުލްޤައްޔޫމް ދީނީ ޢިލްމުވެރިޔާ ޑރ.މުޙައްމަދު އިޔާޟް ޢަބްދުއްލަޠީފަށް ރައްދުދެއްވައިފިއެވެ.
ރައީސް މައުމޫން ކުރެއްވި ޓްވީތެއްގައި ވިދާޅުވީ، ދީނުގެޢިލްމުވެރިން ދުލުގެ ޢިއްފަތްތެރިކަމަށް އިސްކަން ދެއްވާނެކަމަށާއި، ވާހަކަފުޅު ދައްކަވާނީ ޙިކްމަތްތެރިކަމާއެކު ރިވެތިބަހުންކަމަށެވެ.
ރައީސް މައުމޫން މިހެން ވިދާޅުވެފައިވާއިރު، ދީނީ ޢިލްމުވެރިޔާ އަދި ސަރުކާރުގެ ސިޔާސަތުތައް ފާޅުގައި ދިފާޢުކުރައްވަމުން ގެންދަވާ ޑރ.މުޙައްމަދު އިޔާޟް ޢަބްދުއްލަތީފް މިސްކިތަށް ނަމާދަށް ނުދާ މީހުންނަށް މިސްކިތާ ގުޅޭ ގޮތުން ވާހަކަނުދެއްކޭނެ ކަމަށް ވިދާޅުވެ ރައީސް މައުމޫނަށް ބަހުގެ ހަމަލާތަކެއް ދެއްވާފައިވަނިކޮށެވެ.
ދީނުގެޢިލްމުވެރިން ދުލުގެ ޢިއްފަތްތެރިކަމަށް އިސްކަން ދެއްވާނެ. ވާހަކަފުޅު ދައްކަވާނީ ޙިކްމަތްތެރިކަމާއެކު ރިވެތިބަހުން.
— Maumoon Abdul Gayoom (@maumoonagayoom) February 26, 2021
Covid ge nurakkaa enme boduve mulhi Raajje lockdown gai oiy iru @mvpeoplesmajlis gai gai dhurukan oiy varu nikan ballavaa @KerafaNaseem. Miee miskiy nama Hukum thafaathu vees dheththo? pic.twitter.com/DXDfk7RyMc
— Dr.Mohamed Iyaz (@dr_iyaz) February 26, 2021
ރާއްޖޭގައި މިސްކިތްތަކުގައި ޖަމާއަތުގައި ނަމާދުކުރަމުން އަންނައިރު، ކޯވިޑް-19 ހަލުވިކަމާއެކު މާލެ ސަރަހައްދުގައި ފެތުރެމުން އަންނާތީ އިސްލާމިކް މިނިސްޓްރީން ވަނީ މިސްކިތުގައި ގަައިދުރުކަން ބެހެއްޓުމަށާއި، މާސްކު އެޅުމަށް އިލްތިމާސްކޮށްފައެވެ.
ކޮމެންޓު ފޮނުވާ