އަނުޝްކާ ޝަރްމާ އާއި ވިރާޓް ކޯލީގެ ވާހަކަތަކަކީ ބޮލީވުޑްގައި އެންމެ ގަދައަށް ދެކެވޭ ވާހަކަތައް ކަމީ އެއްވެސް ޝައްކެއް އޮތްކަމެއް ނޫނެނެވެ. މި ދެމީހުންނަށް ދާދި ފަހުންވަނީ އަންހެން ކުއްޖެއް ލިބިފައެވެ. އަލަށް މައިންބަފައިންނަށް ވުމާއެކު ދިރިއުޅުމުގައި މި ދެމަފިރިން ފެނިގެންދަނީ ވަރަށްވެސް ބިޒީކޮށެވެ.

އިންޑިއާ ކްރިކެޓް ތީމުގެ ކުރީގެ ސެލެކްޓަރ ސަރަންދީޕް ސިންގ ވަނީ މި ދެމަފިރިންނާ ބެހޭ ގޮތުން އެތައްވާހަކަތަކެއް ބެލުންތެރިންނާއި ހިއްސާކޮށްފަ އެވެ. އެގޮތުން ސަރަންދީޕް ބުނެފައިވާ ގޮތުން ކޯލީ އަކީ ހިތްތިރި މަޑުމައިތި މީހެކެވެ. ބައެއް މީހުންނަށް ވިރާޓްއަކީ ރުޅިގަދަ އަދި އެރޮގެންޓް މީހެއްގެ ގޮތުގައި ފެނުނަސް އޭނާއަކީ ހަގީގަތުގައި މަޑުމައިތިރި ރަނގަޅުމީހެއް ކަމަށް ސަރަންދީޕްވަނީ ބުނެފައެވެ.

ސަރަންދީޕް ބުނީ އިންޑިއާ ޓީމުގެ ކެޕްޓަންގެ ހައިސިއްޔަތުން ގޮތެއް ނިންމުމުގެ ކުރިން އޭނާ އަބަދުވެސް އެންމެންގެ ވާހަކަ އަޑުއަހައެވެ. ބެލުންތެރިން އެންމެ ހައިރާންވެގެން ދިޔައީ ވިރާޓާއި އަނުޝްކާގެ ގޭގައި ނޯކަރުން ނުގެންގުޅޭ ވާހަކަ ބުނުމުންނެވެ.

34 ކަރޯޑްގެ ބޮޑުގޭގައި އެންމެ ނޯކަރަކުވެސް ނޫޅޭކަަށާއި ނުވިތާކަށް ގޭގެ އެންމެނަށް ކާންހަދަނީވެސް އަބަދުވެސް އެދެމަފިރިން ކަމަށް ސަރަންދީޕްވަނީ ބުނެފައެވެ.

އިތުރަށް ވާހަކަ ދައްކަމުން ސަރަންދީޕް ބުނެފައިވަނީ މި ދެމަފިރިންނަކީ ވަރަށް ރަނގަޅު މީހުންކަމަށާއި އަދި ވިރާޓް ދޭތެރެ ދޭތެރެއިން އާންމުންނާއެކު ވާހަކަ ދައްކާ މަޖާކޮށް އަދި ކެއުންތަކަށްވެސް ގޮސް ހަދާކަމަށެވެ. އެހެންކަމުން އިންޑިއާ ޓީމުގެ އެހެން ހުރިހާ ކުޅުން ތެރިންވެސް ވިރާޓަށް އިހްތިރާމް ކުރާކަމަށް ސަރަންދީޕް ވަނީ ބުނެފައެވެ.

އެންމެ ފަހުން އަނުޝްކާ ފެނިގެން ގޮސްފައިވަނީ 2018 ވަނަ އަހަރު ފިލްމު ޒީރޯއިންނެވެ.