އިންގްލިޝް ޕްރިމިއަރ ލީގުގައި ރޭ ވުލްވްސް އާއި ލީޑްސް ޔުނައިޓެޑް ބައްދަލުކުރިމެޗް ވުލްވްސް ކާމިޔާބުކޮށްފިއެވެ. ވުލްވްސްގެ ދަނޑުގައި ކުޅުނު މިމެޗް ވުލްވްސް ކާމިޔާބުކުރީ އެއް ލަނޑު ސުންލަނޑުންނެވެ.
ދެޓީމްގެ ފަރާތުން ވާދަވެރި ކުޅުމެއް ފެނިގެންދިޔަ މިމެޗްގައި ގިނައިރު ބޯޅަ ގެންގުޅެ ގިނަ ހަމަލާ އުފައްދާފައިވަނީ ލީޑްސްއެވެ. މިމެޗްގައި ވުލްވްސް އިން ޖެހި ހަމައެކަނި ލަނޑަކީ މެޗްގެ 64 ވަނަ މިނެޓްގައި ވުލްވްސްގެ އަޑަމާ ޓްރައޯރޭ ވަރަށް ދުރުން ގޯލަށް ފޮނުވާލި ހަމަލާއެއް ހުރަސް ދަނޑީގައި ޖެހިފައި ނިކުން ވަގުތު ލީޑްސްގެ ކީޕަރ އިލާން މެސްލިއަރ ގައިގަ ޖެހިފައި ބައިކޮޅަށް ވަން ގޯލެކެވެ.
މިކާމިޔާބީއާއެކު ވުލްވްސް މިހާރު އުޅެނީ ކުޅުނު 25 މެޗުން ލިބިފައިވާ 33 ޕޮއިންޓާއެކު ލީޑްސް ފަހަތަށް ޖައްސާލާ ތާވަލްގެ 11 ވަނައަށް ކުރިއަށް ޖެހިލާފައެވެ. ލީޑްސް މިހާރު އުޅެނީ ކުޅުނު 24 މެޗުން ލިބިފައިވާ 32 ޕޮއިންޓާއެކު ތާވަލްގެ 12 ވަނައިގައެވެ.
ކޮމެންޓު ފޮނުވާ