ޔޫރޮޕާ ލީގުގެ ދެވަނަ ބުރުގައި ރޭ އާސެނަލް އާއި ބެންފީކާ ވާދަކުރި މެޗު އެއްވަރުވެގެން ނިމިއްޖެ އެވެ.
އާސެނަލުން ބެންފީކާ އާ ދެކޮޅަށް ރޯމްގައި ކުޅުނު މެޗު އެއްވަރުވީ 1-1 އިންނެވެ. މި މެޗުގައި ފުރަތަމަ ލަނޑު ޖަހައި ލީޑު ނެގީ ބެންފީކާ އިންނެވެ. މެޗުގެ 55 ވަނަ މިނެޓްގައި ބެންފީކާ އަށް ލިބުނު ޕެނަލްޓީ އަކުން އެ ޓީމަށް ލަނޑު ޖަހައިދިނީ އަފޮންސޯ ފެނާންޑެސް އެވެ. އެކަމަކު ބެންފީކާ އިން ލަނޑު ޖެހިތާ ދެ މިނެޓްފަހުން ދެން ފެނުނީ އާސެނަލް އިން ލަނޑެއް ޖަހައި މެޗުގެ ނަތީޖާ ހަމަހަމަ ކުރިއެވެ.
މި ލަނޑު އާސެނަލް އަށް ކާމިޔާބުކޮށްދިނީ ބުކަޔޯ ސަކާ އެވެ. މިދިޔަ ސީޒަނުގެ ޔޫރޮޕާ ލީގުގެ ދެވަނަ ބުރުގައި އޮލިމްޕިއާކޯސް އަތުން ބަލިވެ ހިތްދަތި ގޮތަކަށް މުބާރާތުން ވަކިވާންޖެހުނު އާސެނަލް ރޭގެ މެޗުގައި ބެންފީކާ އަށްވުރެ ރަގަޅަށް ކުޅެފައިވާއިރު އެ ޓީމަށް މެޗުގެ ފުރަތަމަ ހާފުގައި ލަނޑު ޖަހަން ގިނަ ފުރުސަތުތަކެއް ވެސް ވަނީ ލިބިފައެވެ.
އާސެނަލުން ކުޅޭ ދެވަނަ ލެގުގެ މެޗު އަންނަ ހަފްތާގައި ހޯމެއް މެޗެއްގެ ގޮތުގައި އާސެނަލްއިނ ނުކުންނާނީ ގްރީސްގެ އެތެންސްގައެވެ.
ކޮމެންޓު ފޮނުވާ