ޔުއެފާ ޗެމްޕިއަންސް ލީގުގެ ދެ ވަނަ ބުރުގެ ފުރަތަމަ ލެގުގައި ސެވިއްޔާގެ މައްޗަށް ޑޯޓްމަންޑުން ކުރި ހޯދައިފިއެވެ.
ސެވިއްޔާގެ ދަނޑުގައި ކުޅުނު މިމެޗް ޑޯޓްމަންޑުން ކާމިޔާބު ކުރީ 3-2 ގެ ނަތީޖާއަކުންނެވެ. ވާދަވެރި ކުޅުމެއް ފެނިގެންދިޔަ މެޗުގައި ދެޓީމުގެ ފަރާތުންވެސް ނުރައްކާތެރި ގިނަ ހަމަލާތަކެއް ވަނީ އުފައްދާފައެވެ. ރޭގެ މެޗުގައި ލީޑު ނަގައި މެޗުގެ ކޮންޓްރޯލް ނެގީ ސެވިއްޔާއިންނެވެ. މި ލަނޑު މެޗުގެ ހަތް ވަނަ މިނިޓްގައި ޖެހީ ސޫސޯ އެވެ.
މިލަނޑަށްފަހު ޑޯޓްމަންޑުން ކުޅުން ރަނގަޅުކޮށް ފުލުފުގައި ދިޔައީ ސެވިއްޔާގެ ގޯލަށް ބާރު ބޮޑު ކުރަމުންނެވެ. މިގޮތުން ފުރަތަމަ ހާފް ނިމުމުގެ ކުރިން ޑޯޓްމަންޑުން ވަނީ3 ގޯލު ޖަހައި މެޗުގެ ކޮންޓްރޯލް ހޯދާފައެވެ. މި މެޗުގައި ޑޯޓްމަންޑަށް ލަޑުތައް ޖަހައިދިނީ މުހައްމަދު ދާހޫދާއި، ހަލާންޑެވެ. މިމެޗުގައި ހާލަންޑުވަނީ ދެ ގޯލު ޖަހައިދީ މޮޅު ކުޅުމެއް ދައްކާފައެވެ. މިދިޔަ ސީޒަން ފެށި ފަހުން ހާލަންޑް ވަނީ ޗެމްޕިއަންސް ލީގުގައި 18 ގޯލު ޖަހައިފައެވެ. ދެ ވަނަ ހާފްގައި ސެވިއްޔާގެ ފަހު ގޯލު ޖެހީ ލޫކް ޑި ޔޯން އެވެ.
ރަށުންބޭރުގައި ލިބުނު މޮޅާ އެކު ޑޯޓްމަންޑަށް ވަނީ ކުއާޓާގެ އުއްމީދު ބޮޑުވެފަ އެވެ. އަންނަ މަހު ނުވަ ވަނަ ދުވަހު ކުޅޭ ދެ ވަނަ ލެގުގެ މެޗު އަމިއްލަ ދަނޑުގައި އެއްވަރުކޮށްލައިގެން ވެސް ޑޯޓްމަންޑަށް އަނެއް ބުރުން ފުރުސަތު ހޯދޭނެ އެވެ.
ކޮމެންޓު ފޮނުވާ