ކުޑަ ފިރިހެންކުއްޖަކާއި މެދު ބަދުއަޚުލާޤީ އަމަލު ހިންގިކަމުގެ ތުހުމަތުގައި ހައްޔަރުކުރި ފިލްމީ ތަރި ޔުނާން އާއި އޭނާގެ އަންހެނުން ފާތިމަތު ރިހުލާ ޝަރީއަތް ނިމެންދެން ބަންދުކޮށްފި އެވެ.
ޔުނާން އާއި ރިހުލާގެ މައްޗަށް ތުހުމަތު ކުރެވެނީ ކުޑަފިރިހެން ކުއްޖަކާއި ބަދުއަޙްލާޤީ އަމަލު ހިންގި ކަމުގެ ތުހުމަތެވެ. އެދެމީހުންގެ މައްޗަށް ބަންދުގައި ބޭތިއްބުމަށް ޖެހި 7 ދުވަހުގެބަންދުގެ މުއްދަތު މިއަދަށް ހަމަވެ މިއަދު ކޯޓަށް ހާޒިރުކުރުމުން ކޯޓުންވަނީ ޝަރީއަތް ނިމެންދެން ބަންދުގައި ބޭތިއްބުމަށް އަމުރުކޮށްފަ އެވެ.
ޔުނާންގެ ދެމަފިރިންގެ މައްޗަށް ކުރެވުނު ތުހުމަތާއި ގުޅިގެން، އެދެމަފިރިން ހައްޔަރުކުރުމަށް ގޮވާލައި އެމީހުން ދިރިއުޅޭ ގެ ދޮށަށް އެއްވެ ބަޔަކު ވަނީ މުޒާހަރާވެސް ކޮށްފައެވެ. މި ކަމާއި ގުޅިގެން ޔުނާން އާއި އޭނާގެ އަންހެނުން ފުލުހުންގެ ހިމާޔަތަށް އެދުމުން ފުލުހުން ވަނީ ފުލުހުންގެ ހިމާޔަތުގައި އެ ދެމީހުންނަށް ހިމާޔަތްވެސް ދީފައެވެ.
ކުޑަކުދިންނަށް ޖިންސީ ގޯނާ ކުރުމާ ގުޅޭ މައްސަލަތައް ސީރިއަސް އަވަސް މައްސަލަތަކެއްގެ ގޮތުގައި ތަޙްޤީޤު ކުރުމަށް ފުލުހުންނާއި ކަމާ ގުޅުންހުރި ފަރާތްތަކުން ދަނީ މަސައްކަތް ކުރައްވަމުންނެވެ.
ކޮމެންޓު ފޮނުވާ