ލާޒިއޯ ބަލިކޮށް އިންޓަ އެއްވަނަ އަށް

އިޓާލިއަން ލީގުގައި ރޭ ލާޒިއޯ ބަލިކޮށް އިންޓަރ މިލާނުން ލީގުގެ އެއްވަނަ އަށް ޖެހިލައިފިއެވެ.

މިމެޗުގައި އިންޓަރގެ ފޯވާޑް ލުކަކޫގެ ފަރާތުން ވަނީ މޮޅު ކުޅުމެއް ފެނިގެން ގޮސްފައެވެ. ރޭގެ މެޗުގައި ރޮމެލޫ ލުކާކޫގެ ދެ ގޯލާ އެކު ލާޒިއޯ ބަލިކޮށްފައިވަނީ 3-1 ގެ ނަތީޖާ އަކުންވެ. ރޭގެ މެޗުގައި ޖެހި ދެ ގޯލާ އެކު ލުކާކޫ ވަނީ އޭނާގެ ފުޓްބޯޅަ ކެރިއަރުގައި ޖުމްލަ 300 ގޯލު ހަމަކޮށްފަ އެވެ.

ރޭގެ މެޗުގައި އިންޓަގެ ފަހު ގޯލު ޖެހީ ލުކާކޫ ދިން ބޯޅަ އަކުން ލަޓާރޯ މާޓީނޭޒް އެވެ. ލާޒިއޯގެ ހަމައެކަނި ގޯލު ޖެހީ ސާބިއާގެ މިޑްފީލްޑަރު ސާގޭއި މިލިންކޮވިޗް-ސަވިޗް އެވެ.

ލީގުގައި ހޮނިހިރު ދުވަހުގެރޭ ސްޕެޒިއާ އަތުން އޭސީ މިލާން ބަލިވުމުން ރޭގެ މެޗުން މޮޅުވެގެން އެއް ވަނަ އަށް އެރުމުގެ ފުރުސަތު އިންޓަ އަށް އޮތީ ހުޅުވިފަ އެވެ. އިންޓަ އެއް ވަނަ އަށް އެރީ 22 މެޗުން 50 ޕޮއިންޓް ހަމަކޮށްގެންނެވެ. ދެ ވަނައިގައި އޮތް މިލާނަށް 22 މެޗުން ލިބިފައިވަނީ 49 ޕޮއިންޓެވެ. ލީގުގައި ދެން އެންމެ އަވަހަށް ކުޅޭ މެޗުގައި އިންޓަ ނުކުންނާނީ މިލާނާ ދެކޮޅަށެވެ.