އަންނަ ހަފްތާގައި ޔުއެފާ ޗެމްޕިއަންސް ލީގުގައ ކުރީގެ ކްލަބް ބާސެލޯނާއާ ދެކޮޅަށް ކުޅޭ މެޗުގައި ޕީއެސްޖީގެ ބްރެޒިލް ތަރި ނޭމާ އަށް އަނިޔާގެ ސަބަބުން ނުކުޅެވޭނެ ކަމަށް އެ ކްލަބުން ބުނެފިއެވެ.
ފްރެންޗް ކަޕްގައި ބުދަ ދުވަހުގެރޭ ކުޅުނު މެޗުގައި ނޭމާއަށް ލިބުނު އަނިޔާއާއި ގުޅިގެން އޭނާގެ ޓެސްޓުތައް ވަނީ ހަދާފައެވެ. އިއްޔެ ހެދި ޓެސްޓުތަކުން ނޭމާއަށް ބާސެލޯނާއާއިއެކު ކުޅޭ މެޗުގައި ނުކުޅެވޭނެކަން ވަނީ ޔަގީން ވެފައެވެ. ޑޮކްޓަރުގެ ރިޕޯޓްތައް ދައްކާގޮތުން ނޭމާ ކުޅުމާއި ދުރަށް ހަތަރު ހަފްތާއަށް ދުރަށް ދާންޖެހެއެވެ.
މި މަހު 16 ވަނަ ދުވަހުގެރޭ ބާސެލޯނާ ދަނޑުގައި ޕީއެސްޖީ ކުޅޭ ޗެމްޕިއަންސް ލީގުގެ މެޗުގައި ނޭމާ އަށް ނުކުޅެވޭނެކަން ވަނީ ޔަގީންވެފައެވެ. އެކަމަކު ދެ ވަނަ ލެގުގައި މާޗް 10 ވަނަ ދުވަހު ޕީއެސްޖީ ދަނޑުގައި ކުޅޭ މެޗަށް ނޭމާ ފިޓްވާނެ ކަމުގެ އުއްމީދު އެބައޮތް ކަމަށް އެ ކްލަބުން ވަނީ ބުނެފައެވެ. ނޭމާއަށް މިމެޗުގައި ނުކުޅެވޭއިރު، ބާސެލޯނާއާއި އޭނާއާއިއެކު ކުޅުނު ބާސާގެ ތަރި މެސީ ވަނީ މިމެޗުގައި ނޭމާ ފެންނާނެކަމަށް ވަރަށް އުންމީދު ކުރާކަމަށެވެ.
ނޭމާއަށް ކެރިއަރުގައި މީގެ ކުރީންވެސް ގިނަ އަނިޔާތަކަކާ ކުރިމަތިލާން ޖެހިފައި ވެއެވެ. ޕީއެސްޖީއަށް ކުޅުނު ފުރަތަމަ ސީޒަންގައި ވެސް ބޮޑު އަނިޔާއެއް ވެފައެވެ. އަމިއްލަ ގައުމުގައި 2014 ވަނަ އަހަރު ބޭއްވި ވޯލްޑް ކަޕްގައިވެސް މުބާރާތު ތެރެއިން ނޭމާއަށް ވަނީ ބޮޑު އަނިޔާއެއް ވެފައެވެ. ބްރެޒިލުން އެންމެފަހުން ކޮޕާ އެމެރިކާ ކާމިޔާބު ކުރި ޓީމުން ނޭމާއަށް ޖާގަ ގެއްލުނީވެސް އަނިޔާގެ ސަބަބުންނެވެ.
ކޮމެންޓު ފޮނުވާ