އިނގިރޭސި އެފްއޭ ކަޕުގެ ކުއާޓާ ފައިނަލުން ޗެލްސީ ޖާގަ ހޯދައިފިއެވެ.
ޗެލްސީން ކުއާޓާ ފައިނަލުގެ ޖާގަ ހޯދީ ރޭ ރަށުންބޭރުގައި ބާންސްލީ އަތުން 1-0 އިން މޮޅުވެގެންނެވެ. ދެ ވަނަ ޑިވިޝަނުގައި 13 ވަނައިގައި އޮތް ބާންސްލީން ވަނީ ރޭގެ މެޗުގައި ރަނގަޅު ކުޅުމެއް ދައްކައިފައެވެ. މެޗުގެ ފުރަތަމަ ނުރައްކާތެރި ހަމަލާ ވެސް ފޮނުވާލީ ބާންސްލީ އިންނެވެ.
މެޗުގައި އެންމެ ނުރައްކާތެރި ހަމަލާ ފޮނުވާލާފައިވަނީ ބްރިޓަންއެވެ. ކަލުމް ބްރިޓަން ޖެހި ޝޮޓް ޗެލްސީގެ ކީޕަރު ކެޕާ އަރިއްޒަބަލާގާ ވަނީ މަތަކޮށްފަ އެވެ. މެޗުން ޗެލްސީ މޮޅުކޮށްދިން ލަނޑު ޖެހީ ޓެމީ އަބްރަހަމްއެވެ.
ކުއާޓާގެ ޖާގަ އެންމެ ފަހުން ޔަގީންކުރި ޗެލްސީ އަމިއްލަ ދަނޑުގައި ބައްދަލުކުރާނީ ޝެފީލްޑް ޔުނައިޓެޑާ އެވެ.
ކޮމެންޓު ފޮނުވާ