އެފްއޭ ކަޕްގައި ރޭ ސްވަންސީ ސިޓީގެ މައްޗަށް 3-1 އިން ކުރިހޯދައި، އިނގިރޭސި ފުޓްބޯޅައިގައި ޖެހިޖެހިގެން ހޯދި ރެކޯޑް 15 ވަނަ މޮޅާ އެކު، މެންޗެސްޓާ ސިޓީ އެފްއޭ ކަޕްގެ ކުއާޓާ ފައިނަލުން ޖަގާ ހޯދައިފި އެވެ.
ރަށުންބޭރުގައި ކުޅުނު ސިޓީ އަށް ރޭގެ މެޗުގައި ލީޑުނަގައިިދިނީ 30 ވަނަ މިނިޓްގައި ކައިލް ވޯކާ އެވެ. ދެ ވަނަ ހާފްގެ ކުޅުން ފެށިގެން ދެ މިނިޓް ތެރޭ އޭރިއާތެރެއިން ލިބުނު ފުރުސަތަކުން ރަހީމް ސްޓާލިން ސިޓީގެ ލީޑުފުޅާކޮށްދިނެވެ. އޭގެ އިރުކޮޅެއް ފަހުން ގަބްރިއެލް ޖީސޫސް ވަނީ ސިޓީގެ ތިން ވަނަ ގޯލު ޖަހައިފަ އެވެ. ސްވަންސީގެ ހަމައެކަނި ގޯލު މެޗުގެ 77 ވަނަ މިނިޓްގައި ކާމިޔާބުކުރީ މޯގަން ވިޓަކާ އެވެ.
އިނގިރޭސި ފުރަތަމަ ޑިވިޝަނުގެ މުބާރާތްތަކުގައި މީގެ ކުރިން ޖެހިޖެހިގެން އެންމެ ގިނަ މޮޅު ހޯދާފައިވަނީ 1892 ވަނަ އަހަރު ޕްރެސްޓަން އާއި 1987 ވަނަ އަހަރު އާސެނަލް އެވެ. ސިޓީ އެ ރެކޯޑާ ހަމަކުރީ މިދިޔަ އާދިއްތަ ދުވަހުގެރޭ ލިވަޕޫލް އަތުން މޮޅުވެގެންނެވެ. ރޭގެ މެޗަކީ ސިޓީގެ ކޯޗު ޕެޕް ގާޑިއޯލާ ކޯޗިން ކެރިއަރުގައި މޮޅުވި 200 ވަނަ މެޗެވެ.
ސިޓީ އަކީ އިނގިރޭސި ފުޓްބޯޅަ ތާރީހުގައި ޖެހިޖެހިގެން 15 މެޗުން މޮޅުވި ފުރަތަމަ ޓީމެވެ.
ކޮމެންޓު ފޮނުވާ