ސްޕެނިޝް ކަޕްގެ ސެމީ ފައިނަލް ފުރަަތަމަ ލެގުގައި ރޭ ސެވިއްޔާ އިން 2-0 އިން ބާސެލޯނާ ބަލިކޮށްފިއެވެ.
ސެވިއްޔާ ދަނޑުގައި ރޭ ކުޅުނު މެޗުގެ 25 ވަނަ މިނިޓްގައި އެ ޓީމަށް ލީޑުނަގައިދިނީ ފަހަތަށް ކުޅޭ ޖޫލްސް ކޫންޑޭ އެވެ. އަމިއްލަ ހާފްގެ ތެރެއިން ކޫންޑޭ ހިފައިގެންދިޔަ ބޯޅަ އެ ޓީމުގެ އެހެން ކުޅުންތެރިންނަށް ޕާސް ކުރުމަށް ފަހު އަލުން ހޯދައިގެން ބާސެލޯނާގެ އޭރިއާތެރެއަށް ވަދެ ވަނީ ގޯލުގެ ދުރު ކަނަށް އަމާޒުކޮށްލައިފައެވެ. މެޗު ނިމެން ފަސް މިނިޓަށް ވެފައިވަނިކޮށް ރަކިޓިޗް ސެވިއްޔާގެ ލީޑުފުޅާކޮށްދިނީ އޮލިވާ ޓޮރޭޒް ދިން ބޯޅައަކުންނެވެ.
މުބާރާތުގެ ފައިނަލުގެ ޖާގައެއް ހޯދަން ބާސެލޯނާ އިން އަމިއްލަ ދަނޑުގައި އަންނަ މަހު ހަތަރެއްގައި ސެވިއްޔާއާ ދެކޮޅަށް ކުޅޭ މެޗުން ދެ ލަނޑުތަފާތުކުން މޮޅުވާން ޖެހޭނެއެވެ.
ކޮމެންޓު ފޮނުވާ