ބަޔާން ކްލަބް ވޯލްޑް ކަޕް ފައިނަލަށް

ބަޔާން ކްލަބް ވޯލްޑް ކަޕް ފައިނަލަށް

Author
އިބްރާހީމް ސާޢިދު
09 ފެބްރުއަރީ 2021 10:58
0

ފީފާ ކްލަބް ވޯލްޑް ކަޕްގައި ރޭ 2-0 އިން މިސްރުގެ އަލް އަހްލީ ބަލިކޮށް ޔޫރަޕްގެ ޗެމްޕިއަން ބަޔާން މިއުނިކް މުބާރާތުގެ ފައިނަލުގެ ފަހު ޖާގަ ހޯދައިފި އެވެ.

އަލް އަހްލީގެ ފަރާތުން ވެސް ރަނގަޅު ކުޅުމެއް ފެނުނު ރޭގެ މެޗުގައި ލެވަންޑޯސްކީ ބަޔާނަށް ލީޑުނަގައިދިނީ ސާޖް ގްނަބްރީ މެޗުގެ 17 ވަނަ މިނިޓްގައި ތަނަވަސްކޮށްދިން ފުރުސަތަކުންނެވެ. މެޗު ނިމެން ފަސް މިނިޓަށް ވެފައިވަނިކޮށް ބަޔާނަށް ފައިނަލުގެ ޖާގަ ކަށަވަރުކޮށްދިން ގޯލު ލެވަންޑޯސްކީ ކާމިޔާބުކުރީ ބަދަލު ކުޅުންތެރިއެއްގެ ގޮތުގައި ކުޅެން އެރި ލެރޯއި ސާނޭ ދިން ބޯޅައަކުންނެވެ.

އަންނަ ބުރާސްފަތި ދުވަހު ކުޅޭ ފައިނަލް މެޗުގައި ބަޔާން ބައްދަލުކުރާނީ މެކްސިކޯގެ ޓިގްރޭސްއާ އެވެ. މިއީ އުތުރު އެމެރިކާގެ ކްލަބެއް މި މުބާރާތުގެ ފައިނަލުގައި ކުޅޭ ފުރަތަމަ ފަަހަރެވެ.

ކޮމެންޓު ފޮނުވާ

ކޮމެންޓު

އެތިކަމަކު ކޮމެންޓު ނެތެވެ.