ލީގުގައި ދެވަނަފަހަރަށް ވިލާއިން އާސެނަލް ބަލިިކޮށްފި

އިނގިރޭސި ޕްރިމިއާ ލީގުގައި ރޭ އާސެނަލް ކުޅުނު މެޗުން އެސްޓަން ވިލާ އަތުން 1-0 އިން ބަލިވެއްޖެއެވެ.

އެސްޓަން ވިލާ އިން ރޭ އާސެނަލް ކޮޅަށް މެޗުގައި ޖެހި ހަމައެކަނި ގޯލު ކާމިޔާބުކުރީ މެޗު ފައްޓައިގެން ދެ ވަނަ މިނިޓްގަ އެވެ. އާސެނަލްގެ ޑިފެންޑަރުންނަށް ހެދުނު ގޯހެއްގެ ފައިދާނަަގައި އެސްޓަން ވިލާގެ ގޯލު ޖެހީ އޮލީ ވަޓްކިންސް އެވެ. އާސެނަލަށް އެއްވަރުކޮށްދޭން ގްރޭނިޓް ޝާކާ ފޮނުވާލި ހިލޭ ޖެހުން އެސްޓަން ވިލާގެ ގޯލްކީޕަރު އެމިލިއާނޯ މާޓިނޭޒް މަތަކުރިއިރު، އޭރިއާތެރެއިން އާސެނަލްގެ މާޓިން އޮޑެގާޑް ފޮނުވާލި ބޯޅަ ދިޔައީ ހުރަސްދަނޑި މަތިންނެވެ.

އާސެނަލް ލީގުގެ 10 ވަނައިގައި އޮތީ 23 މެޗުން 31 ޕޮއިންޓާ އެކު އެވެ. އެސްޓަން ވިލާ ވަނީ 21 މެޗުން 35 ޕޮއިންޓް ހަމަކޮށް އަށް ވަނައަށް ޖެހިލައިފަ އެވެ.