ފަތުރުވެރިން ރާއްޖެއަށް އެތެރެވުމުގެ ކުރިން ހަދަންޖެހޭ ޕީސީއާރު ޓެސްޓް ހެދުމުގެ ވަގުތު އިތުރުކޮށްފިއެވެ.
ޓުއަރިޒަމް މިނިސްޓްރީން ވިދާޅުވީ ހެލްތް ޕްރޮޓެކްޝަން އެޖެންސީގެ ހުއްދައާއިއެކު މިއަދުން ފެށިގެން ރާއްޖެއަށް ޒިޔާރަތް ކުރާ ފަތުރުވެރިންނަށް 72 އިރާއި 96 ގަނޑި އިރުގެ ވަގުތެއް ދިނުމަށް ނިންމާފައިވާކަމަށެވެ. ކުރިން ނިންމާފައިވާގޮތުން ފަތުރުވެރިންނަށް ރާއްޖެ އާދެވޭނީ 48 ގަޑިއިރުކުރިން ޕީސީއާރު ޓެސްޓު ހެދުމަށްފަހު ނަތީޖާ ނެގެޓިވް ވުމުންނެވެ.
We are happy to announce that #Maldives Health Protection Agency has extended negative #PCRtest validity time of within 72Hrs to within 96Hrs prior to tourists departure to #Maldives.
Another reason to #VisitMaldivesNow
— Ministry of Tourism (@MoTmv) October 13, 2020
ޓުއަރިޒަމް މިނިސްޓްރީން ކަނޑައަޅާފައިވާ އުސޫލުގައިވާ ގޮތުން މިދިޔަ މަހުގެ 10 ވަނަ ދުވަހުން ފެށިގެން ކުރު ދަތުރުތަކުގައި އަންނަ ހުރިހާ ފަތުރުވެރިންވެސް ރާއްޖެއަށް އެތެރެވެވޭނީ ނެގެޓިވް ޕީސީއާރް ޓެސްޓް އޮވެގެނެވެ. ރާޢްޖެއިން މިގޮތަށް ނިންމާފައިވާއިރު، ދުނިޔޭގެ ހުރިހާ ޤައުމެއްގައިވެސް ދަތުރުފަތުކުރެވެނީ ޕީސީއާރު ޓެސްޓްގެ ނަތީޖާ ނެގެޓިވްވެ އެޤައުމަކުން ކަނޑައަޅާ ވަގުތެއްގެ ތެރޭގައެވެ.
އެޗްޕީއޭއިން ވަނީ ފަތުރުވެރިންނަށް މާލޭ ސަރަޙައްދުގައި ހިމެނޭ 3 ހޮސްޕިޓަލަކާއި، ރާއްޖޭގެ އުތުރުން ކުޅުދުއްފުށި ސިޓީއާއި އެންމެ ދެކުނުން އައްޑޫ ސިޓީގައި ކޯވިޑް-19އަށް ޓެސްޓްކުރެވޭނެ އިންތިޒާމްވެސް ހަމަޖައްސާފައެވެ.
އެޗް.ޕީ.އޭއިން ވިދާޅުވީ، ފަތުރުވެރިން ކޯވިޑް-19ގެ ޓެސްޓް ހެދުމަށްޓަކާ އެކަމަށް ޚާއްސަ ހޮސްޕިޓަލަކަށް ދިއުމުގެ އެންމެ ލަސްވެގެން 48 ގަޑިއިރުކުރިން އެ ފަތުރުވެރިއެއްގެ ސާމްޕަލް ފޮނުވަންޖެހޭނެ ކަމަށެވެ. އަވަހަށް ސާމްޕަލްތަކުގެ ނަތީޖާ ލިބޭނީވެސް އެ އުޞޫލުން ޢަމަލުކޮށްގެން ކަމަށް އެޗްޕީއޭއިން ވިދާޅުވެއެވެ. އަދި ޓެސްޓް ހެދުމަށްޓަކާ އެ ފަތުރުވެރިއެއްގެ ޓްރެވަލް އިނިޝިއަރީ ޑޮކިއުމަންޓްގެ ކޮޕީއަކާއި، ޕާސްޕޯޓުގެ ކޮޕީއަކާއި، ގުޅޭނެ ނަންބަރަކާއި ހުރި ސަރަޙައްދެއްގެ މަޢުލޫމާތު ހުށަހަޅަންޖެހޭނެކަމަށްވެސް އެޗްޕީއޭއިން ވިދާޅުވެއެވެ.
ފަތުރުވެރިންނަށް ރާއްޖެއިން ކޯވިޑް-19ގެ ޕީ.ސީ.އާރް ޓެސްޓް ހެދޭނެ އިންތިޒާމް ހަމަޖައްސާފައިވަނީ :
– އައި.ޖީ.އެމް.އެޗް : ޕީ.ސީ.އާރް ޓެސްޓް ހަދައިދޭ އަގަކީ 1534ރ
– އޭ.ޑީ.ކޭ ހޮސްޕިޓަލް : ޕީ.ސީ.އާރް ޓެސްޓް ހަދައިދޭ އަގަކީ 1500ރ
– ކުޅުދުއްފުށީ ރީޖަނަލް ހޮސްޕިޓަލް : ޕީ.ސީ.އާރް ޓެސްޓް ހަދައިދޭ އަގަކީ 1534ރ
– އައްޑޫ އިކުއިޓޯރިއަލް ހޮސްޕިޓަލް – ޕީ.ސީ.އާރް ޓެސްޓް ހަދައިދޭ އަގަކީ 1534ރ
– ފުލުހުންގެ ލެބޯޓްރީ
ފަތުރުވެރިން ރާއްޖެ އެތެރެވުމުގެ ކުރިން ޕީސީއާރު ޓެސްޓު ހަދަން މަޖުބޫރުކޮށފައިވަނީ ރާއްޖޭގައި މި ބަލި ކޮންޓްރޯލްނުވެ ފެތުރެމުންދާއިރު ރާއްޖެއަކީ ރައްކާތެރި ފަތުރުވެރިކަމުގެ މަންޒިލެއްކަން ކަށަވަރުކުރުމަށްޓަކައި ކަމަށް ޓުއަރިޒަމް މިނިސްޓްރީން ވިދާޅުވެއެވެ. ކޯވިޑް-19އިން ރައްކާތެރިވުމުގެ ފިޔަވަޅެއްގެ ގޮތުން ރާއްޖޭގެ ބޯޑަރުތައް ގާތްގަނޑަކަށް 3 މަސް ދުވަހަށް ބަންދުކުރުމަށްފަހު، އަލުން ހުޅުވާލާފައިވަނީ މިދިޔަ ޖުލައިމަހުގެ 15 ވަނަ ދުވަހުއެވެ.
ކޮމެންޓު ފޮނުވާ