އާމިރު ޚާން ބޭނުންވަނީ އޭނާގެ މޯބައިލް ފޯނު އެއްކޮށް ނިއްވާލުމަށެވެ. މިހެން ކަންތައް ކުރުމަށް ބޭނުންވަނީ ފޯނުގައި މާގިނަ ވަގުތު ހޭދަވުމާއި ގުޅިގެން އޭނާގެ އަމިއްލަ އަދި މަސައްކަތުގެ ދިރިއުޅުމަށް ބުރޫ އަރާތީ ކަމަށް އޭނާ ވަނީ ބުނެފައެވެ.
އާމިރު ޚާން ބޭނުންވަނީ އެންމެ ކުރީގައި އުޅުނު ގޮތަށް ދިރިއުޅުން ބަދަލު ކޮށްލުމަށެވެ. މަސައްކަތުގެ މާހައުލުގައިވެސް ފޯނު ބޭނުން ކުރުމުން މަސައްކަތް އެންމެ ފުރިހަމައަށް ނުކުރެވޭ ކަމަށް އޭނާ ވަނީ ބުނެފައެވެ. އެގޮތުންޖައިޕޫރުގައި ކުރިއަށް ދިޔަ ލާލް ސިންގ ޗައްޑާ ގެ ޝޫޓު މެދުކަނޑާލާފައި އޭނާއަށް ރައްޓެއްސެއްގެ ފިލްމެއްގެ ސީނެއް ކުޅެދޭން ދާންޖެހުނު ކަމަށް އާމިރު ވަނީ ބުނެފައެވެ.
ނަމަވެސް އާމިރު މިހާރު ވަނީ އެނބުރި މުމްބާއީއަށް ގޮސްފައެވެ. އަދި ވީހާވެސް އަވަހަކަށް ލާލް ސިންގ ޗައްޑާގެ ބާކީހުރި މަސައްކަތާއިގެން ކުރިއަށް ދިޔުމަށް ވަނީ ތައްޔާރުވެފައެވެ. އެގޮތުން މިހާރު ނުނިމި ހުރި މަސައްކަތްތައް ނިންމާލުމަށްފަހު "ޕޯސްޓް ޕްރޮޑަކްޝަން އޮފިސާރ" އަދްވައިތު ޗަންދަން އާއި އެކު މަސައްކަތް ކުރަނީ މި ފިލްމު 2021 ގެ ފަހުކޮޅަށް ނިންމޭތޯ ކަމަށް އާމިރު ވަނީ ބުނެފައެވެ.
އެގޮތުން މި މަސައްކަތް ކުރުމުގެ އަޒުމުގައި ހޯމަ ދުވަހުން ފެށިގެން އާމިރު ވަނީ އޭނާގެ ފޯނު ނިއްވާލާފައެވެ. ކަރީނާ ކަޕޫރް ޚާނާއެކު އާމިރު ފެނިގެންދާ މި ފިލްމު މިއަހަރު ކްރިސްމަސް އާ ދިމާކޮށް ރިލީޒްކުރާނެކަމަށް ގިނަ ބަޔަކު މިހާރު އަންނަނީ ލަފާކުރަމުންނެވެ.
