ޔޮޓާ އެނބުރި ފަރިތަކުރުން ތަކަށް

އަނިޔާއިން ރަނގަޅުވެ ލިވަޕޫލުގެ ފަރިތަކުރުންތަކުގައި ޕޯޗުގަލުގެ ޒުވާން ފޯވާޑް ޑިއޯގޯ ޔޮޓާ ބައިވެރިވާން ފަށައިފިއެވެ.

އަނިޔާއާ ގުޅިހެން ޔޮޓާއަށް ވަނީ ލިވަޕޫލުން އެންމެ ފަހުން ކުޅުނު 12 މެޗު ގެއްލިފައެވެ. އެކަމަކު އަނިޔާއިން ރަނގަޅުވެ ބުދަ ދުވަހު ޔޮޓާ ވަނީ އެކަނި ތަމްރީނުތައް ކުރަން ފަށާފައެވެ. އަދި މުޅިން އެއްކޮށް ފިޓްވުމާއެކު ޓީމު ފަރިތަކުރުންތަކުގައި ޔޮޓާ ބައިވެރިވާނެ ކަމަށް ރިޕޯޓުތައް ބުނެއެވެ. ޔޮޓާއަށް އަނިޔާވީ ޔުއެފާ ޗެމްޕިއަންސް ލީގުގެ ގްރޫޕް ސްޓޭޖުގައި ޑިސެމްބަރު މަހުގެ ނުވަވަނަ ދުވަހު ރަށުން ބޭރުގައި މިޗީލޭންޑާ 1-1 ގެ ނަތީޖައަކުން ލިވަޕޫލް އެއްވަރުވި މެޗުގައެވެ.

މިދިޔަ ޑިސެމްބަރު މަހު ޔޮޓާއަށް އަނިޔާވިއިރު، މިދިޔަ އަހަރުގެ ހޫނު މޫސުމުގައި ލިވަޕޫލާ ގުޅުނު ފޯވާޑް ވަނީ އެ ޓީމުގައި ތަފާތު މޮޅު ކުޅުމެއް ދައްކާފައެވެ. އެގޮތުން ވުލްވްސް ދޫކޮށް ލިވަޕޫލަށް ބަދަލުވުމަށްފަހު އޭނާ ވަނީ އެ ޓީމަށް ކުޅެދިން 17 މެޗުގައި ނުވަ ލަނޑު ޖަހާފައެވެ. އަދި އިނގިރޭސި ޕްރިމިއާ ލީގުގައި ޔޮޓާ ލިވަޕޫލަށް ނުވަ މެޗު ކުޅެދީފައިވާއިރު، އޭނާ ވަނީ ފަސް ލަނޑު ޖަހާފައެ

ރޭ  ލީގުގައި ލިވަޕޫލް ވަނީ ހަތަރުވަނައަށް ވެއްޓިފައެެވެ. ލިވަޕޫލް ހަތަރު ވަނަ އަށް ވެއްޓުނީ އަމިއްލަ ދަނޑުގައި ރޭ ބްރައިޓަން އަތުން 1-0 އިން ބަލިވުމުންނެވެ. ލިވަޕޫލަށް 22 މެޗުން ލިބުނީ 40 ޕޮއިންޓެވެ. ލިވަޕޫލުން އަނިޔާގެ ސަބަބުން ރޭގެ މެޗުގައި ކުޅުނީ މުހިއްމު ގިނަ ކުޅުންތެރިންތަކެއް ނުލަ އެވެ.

ލިވަޕޫލް އެންމެ ފަހުން އަމިއްލަ ދަނޑުގައި މޮޅުވީ ޑިސެމްބަރު 16 ވަނަ ދުވަހު އެވެ.