ހަށީގައި ލޭ ހިނގާހާ ދުވަހު ރާއްޖޭގެ މިނިވަންކަމާއި އިސްތިޤުލާލު ނަގާލުމަށް އެއްވެސް ބަޔަކަށް ފުރުސަތެއް ނުލިބޭނެކަމަށް ނައިފަރު ދާއިރާގެ މެމްބަރު އަހުމަދު ޝިޔާމް ވިދާޅުވެއްޖެ އެވެ.
ރައްޔިތުންގެ މަޖިލީހުގެ މިއަދު ޖަލްސާގައި ވާހަކަ ދައްކަވަމުން ޝިޔާމް ވިދާޅުވީ ނުހައްޤު މުއްސަދިކަމާއި ނުހައްގު އަނިޔާތަކުގެ ވާހައާއިއެކީ ރާއްޖޭގެ މިނިވަންކަމައި އިސްތިޤުލާލުގެ ވާހަކަވެސް އަންނަން ޖެހޭކަމަށެވެ. މިއަދު ދައުލަތުގެ އިސް މަޤާމުތަކުގައި ތިއްބެވި ވަޒީރުންނާއި ދައުލަތުގެ އިސްވެރިން ރާއްޖެ ހިފިދާނެކަމަށްބުނެ މިނިވަންކަމަށް ބުރޫއަރާ ވާހަދައްކަމުންދާ މައްސަކަތައްވެސް ބަލަންޖެހޭކަމަށް ޝިޔާމް ވިދާޅުވި އެވެ.
"ރާއްޖެ އަޅުވެތިކަމަށް ހުށަހަޅާ މީހުން މި ލިސްޓަށް އަންނަންޖެހޭ. ނުފޫޒުގަދަ މަޤާމުތަކުގައިތިބެ ދިވެހި ދައުލަތުގެ ވަޒީރުންގެ ގޮތުގައިތިބެ ރާއްޖެ ހިފާ ވާހަކަ ދައްކައި ދިވެހިން މަރާފަވެސް ދިވެހި ރާއްޖެ ހިފިދާނެއޭ އެބަ ވިދާޅުވޭ. ރާއްޖެ އަޅުވެތިކުރާ ވާހަކަ ފޯރަމްތަކުގައި ދައްކާއިރު ބޯތަޅާލަން ތިބޭ ވަޒީރުންވެސް އެބަތިބޭ. ދިވެހި ރާއްޖެ ނުހިފޭނެ އިރާދަކުރެއްވިޔަކާ. އަޅުގަނޑުމެންގެ މިހަށީގަ ދިވެހިލޭ ހިނގާހާ ހިނދަކު ﷲ އިރާދަފުޅުން މިޤައުމު އޮންނާނީ މިނިވަންކަންމަތީގަ" ޝިޔާމް ވިދާޅުވި އެވެ.
ރާއްޖޭގެ ރައްޔިތުންނަކީ ބައެއް ނޫންކަމަށްދެކި ވާހަކަ ދައްކާ ވަޒީރުންނަކީ ރާއްޖެއަށް ހެޔޮއެދޭ ވަޒީރުންތަކެއް ނޫންކަމަށް ވިދާޅުވެ ޝިޔާމްވަނީ އެފަދަ މަޤާމުތަކުގައި ތިއްބެވި ބޭފުޅުން މިއަދުން މިއަދަށް އިސްތިއުފާ ދެއްވުމަށް ގޮވާލާފަ އެވެ.
ޝިޔާމް މިފަދަވާހަތަކެއް ދައްކަވާފައިވާއިރު، އިކޮނޮމިކް މިނިސްޓަރ ފައްޔާޒް އިސްމާއިލްއާއި، ޑިފެންސް މިނިސްޓަރ މާރިޔާ އަހުމަދު ދީދީވަނީ އިންޑިޔާއިން ބޭނުންނަމަ ރާއްޖޭގެ ރައްޔިތުން މަރާފައިވެސް ރާއްޖެ ހިފިދާނެކަމަށް ވިދާޅުވެ ވާހަކަ ދައްކަވާފައެވެ. މިވާހަތަކާއި ގުޅިގެން ގިނަ ބައެއްގެ ފާޑުކިޔުން ސަރުކާރާއި ވަޒީރުންނަށް ވަނީ އަމާޒުވެފަ އެވެ.
ރާޢްޖޭގައި ތިބި އިންޑިޔާ ސިފައިން ރާއްޖެއިން ފޮނުވާލުމަށް ގޮވާލައި ރާއްޖޭގައި އިންޑިޔާއާއި ދެކޮޅަށް ހިންގާ ހަރަކާރުގައި އައިސިސްގެ ބައިވެރިވުން ބޮޑުކަމަށް ރައީސް ނަޝީދުވެސް ވަނީ ވިދާޅުވެފަ އެވެ. އިންޑިޔާއާއި ދެކޮޅަށް ކުރާ ކެމްޕެއިންގައި އައިސިސް އިން ބޭނުން ކުރަމުންދާ ކަޅު ދިދަ ބޭނުން ކުރުމަކީ އައިސިސް ރަމްޒު ކޮށްދޭ ކަމެއްކަމަށް މަޖިލިސް ރައީސް ވަނީ ވިދާޅުވި އެވެ. އަދި މިހާރު އެ ދިދައިގައި ބޭނުން ކުރަމުންދާ ލިޔުންވެސް އައިސިސްގެ ދިދައިގައި ބޭނުން ކުރަމުންދާ ލިޔުމަށް ބަދަލުކުރުމަށް މަޝްވަރާ ކުރެވިފައިވާކަމަށެވެ. މިއީ ދިވެހިން ހޭލަތިބެ ސަމާލުވާންޖެހޭ ކަންތައްތަކެއްކަމަށް ރައީސް ނަޝީދު ވަނީ ވިދާޅުވެފައެވެ.
އިންޑިއާ ސިފައިން ރާއްޖޭގައި ތިބި އަދަދާއި އެމީހުންނަށް ކުރަމުން އަންނަ ޚަރަދު އޮޅުންފިލުވުމަށް އޮންލައިން ނޫހަކުން އިންފޮމޭޝަން ކޮމިޝަނަށް ހުށަހެޅި މައްސަލަ އާއި ގުޅިގެން ޑިފެންސް މިނިސްޓްރީގެ އިންފޮމޭޝަން އޮފިސަރ ވިދާޅުވީ، އިންޑިއާ ސިފައިންގެ މައުލޫމާތު ހާމަކޮށްފި ނަމަ މި ދެޤައުމުގެ ދެމެދުގައި އޮތް ގުޅުމަށް ބުރޫއަަރާފާނެ ކަމަށެވެ.
ކޮމެންޓު ފޮނުވާ