އާސެނަލް އަދި ޗެލްސީ ފަހަތަށް ޖައްސާލާ ވިލާ ކުރިޔަށް

އިނގިރޭސި ލީގުގައި އެސްޓަންވިލާ މޮޅުވެ ލީގުގައި އާސެނަލް އާއި ޗެލްސީއަށް ވުރެ ކުރިޔަށް ޖެހިލައިފިއެވެ.

ރަށުން ބޭރުގައި ކުޅުނު މެޗުން ވިލާއިން ކުރިހޯދި ސައުތުހެމްޓަންއާ ވާދަކޮށް 1-0 ލަނޑުންނެވެ. މެޗުގައި ވިލާއިން ޖެހި ހަމައެކަނި ލަނޑު ފުރަތަމަ ހާފްގެ 41 ވަނަ މިނިޓުގައި ގްރީލިޝް ދިން ބޯޅައަކުން ބޮލުންޖަހައި ކާމިޔާބުކުރީ ރޮސް ބާކްލީއެވެ. މެޗުގެ 94 މިނުޓުގައި ސައުތުހެމްޓަންގެ އިންގްސް ނަތިޖާ ހަމަހަމަ ކުރި ނަމަވެސް އެލަނޑުވަނީ ބަލައި ނުގަނެފައެވެ. މިއީ 2016 ވަނަ އަހަރު ޑިސެންބަރުމަހު ލީގުގައި އެނާ ބޮލުން ލަނޑެއް ޖެހިފަހުން ލީގުގައި ބޮލުން ލަނޑެއް ކާމިޔާބުކުރި ފުރަތަމަ ފަހަރުއެވެ.

މއީ 2013 ވަނަ އަހަރު ފަހުން ލީގުގައި ސައުތުހެމްޓަންގެ މައްޗަށް ވިލާއިން ކުރި ހޯދުނު ފުރަތަމަ ފަހަރުއެވެ. މިހާތަނަށް ލީގުގައި ކުޅުނު 19 މެޗުގެ ތެރެއިން 10 މެޗު ވިލާއިން ކާމިޔާބުކުރި އިރު ސައުތުހެމްޓަން ވަނީ އެންމެފަހުން ލީގުގެ ކުޅުނު ތިން މެޗުން ބަލިވެފައެވެ. ރޭގެ ހޯދި މޮޅާއެކު ވިލާ ލީގުގެ ހޯދި 32 ޕޮއިންޓާއެކު 8 ވަނައަށް ކުރިޔަށް ޖެހިލާފައެވެ. އެއީ އާސެނަލް  އާއި ޗެލްސީއަށް ވުރެ ކުރިހޯދައިގެންނެވެ. އޯސްޓަން ވިލާ 8 ވަނައިގަ އޮތީ ލީގުގެ ހަތަރުވަނަ މަގާމުގައިވާ ލިވަޕޫލްއަށް ވުރެ ފަސްޕޮއިންޓް މަދުން ހޯދައިގެންނެވެ.

މިމެޗުން ބަލިވުމާއެކު ސައުތުހެމްޓަންއަށް ލީގުގެ 11 ވަނައިގަ އޮތީ 20 މެޗުން ހޯދި 29 ޕޮއިންޓާއެކުއެވެ.