މެންޗެސްޓާ ޔުނައިޓެޑަށް ކުޅެމުން އަންނަ އިންގްލެންޑުގެ މިޑްފީލްޑަރު ޖެސޭ ލިންގާޑް ލޯނު އެއްބަސްވުމެއްގެ ދަށުން ވެސްޓް ހޭމް ޔުނައިޓެޑަށް ވަދަލުވެއްޖެއެވެ.
މި ފަހުން ޔުނައިޓެޑުގެ ފުރަތަމަ އެގާރައިން ލިންގާޑަށް ފުރުސަތު ލިބުން މަދުވެފައިވާއިރު، މި ސީޒަނުގައި އޭނާ ޔުނައިޓެޑަށް ކުޅެދީފައިވަނީ އެންމެ ތިން މެޗެވެ. ނަމަވެސް މީގެ ކުރިން އޭނާ ވަނީ ޔުނައިޓެޑާއެކު އެފްއޭ ކަޕާއި، އިނގިރޭސި ލީގު ކަޕާއި، އެފްއޭ ކޮމިއުނިޓީ ޝީލްޑުގެ އިތުރުން ޔުއެފާ ޔޫރޮޕާ ލީގު ކާމިޔާބުކޮށްފައެވެ.
ލިންގާޑް ވެސްޓް ހޭމާ ގުޅުނީ ލޯނު އުސޫލުން މި ސީޒަނުގެ ނިޔަލަށެވެ. މީގެ ކުރިން އޭނާ ވަނީ ލޯނު އެއްބަސްވުންތަކުގެ ދަށުން އިނގިރޭސި ދެވަނަ ޑިވިޝަން (އީއެފްއެލް ޗެމްޕިއަންޝިޕް) ގެ ބައެއް ކުލަބުތަކަށް ކުޅެފައެވެ. އޭގެ ކުރިން 2011 ވަނަ އަހަރު ޔުނައިޓެޑުން ސީނިއާ ކެރިއަރު ފެށި ލިންގާޑް ވަނީ މިހާތަނަށް އެ ކުލަބަށް 210 މެޗު ކުޅެދީ 33 ލަނޑު ޖަހާދީފައެވެ.
ކޮމެންޓު ފޮނުވާ