ޕްރިޔަންކާ ޗޯޕްރާ ޖޯނަސްއަކީ ބޮޑީ ޝޭމިން އަދި ރޭސިޒަމްއާއި ބެހޭގޮތުން ވާހަކަ ދައްކަން ފަސްނުޖެހޭތަރިއެކެވެ. އަދި އެތަށް އިންޓަވިއުއެއްގައި ޕްރިޔަންކާ ވަނީ ކުރީގައި އޭނާއަށް ކުރިމަތިވި ނަސްލީ ތަފާތުކުރުންތަކާ ބެހޭގޮތުން ވާހަކަދައްކާފައެވެ.
ކްލެއާރ މެގަޒިނާ ވާހަކަ ދައްކަމުން ޕްރިޔަންކާ ވަނީ އިންޑިއާއަށް ސްކިން ވައިޓްނިން ކުރީމް ތައާރަފްކުރިއިރު، އޭނާއަށް ކުރިމަތިވި ބުލީއިން އާ ބެހޭގޮތުން ވާހަކަދައްކާފަ އެވެ.
ޕްރިޔަންކާ ބުނެފައިވަނީ ސްކިން ވައިޓްނިން ކުރީމް ތައާރަފްކުރުމަކީ އޭނާ އެހާ ހިތްހަމަ ޖެހުނުކަމެއް ނޫންކަމަށާއި، ނަމަވެސް އޭނާ ކުރީގައި ކަޅު ކުދިންނަކީ ރީތިބައެއް ނޫންކަމަށް ޤަބޫލުކުރިން ކަމަށެވެ. އެކަމުގެ ސަބަބުން ފުށްފަދަ ތަކެތި ބޭނުންކުރި ކަމަށް ޕްރިޔަންކާ ބުންޏެވެ. އަދި ހައި ސުކޫލުގައި އުޅުން އިރު ކަޅުވީމައި ކުދިން ދިމާކުރާކަމަށާއި އެމީހުންނަކީ ވަރުގަދަ ބައެއްކަމަށް ހީކުރެވޭކަމަށްވެސް އޭނާ ބުންޏެވެ.
ޕްރިޔަންކާ ބުނީ ބުލީކުރުމަކީ ކޮންމެ މީހަކަށްވެސް ދިމާވެދާނެކަމެއްކަމަށާއި އެކަމުގެ ސަބަބުން އަމިއްލަ ނަފްސަށް އޮންނަ އިތުބާރު ކުޑަވާކަމަށެވެ.
View this post on Instagram
ޕްރިޔަންކާ ޗޯޕްރާ ޖޯނަސް އެންމެ ފަހުން ފެނިގެންގޮސްފައިވަނީ މި މަހު ރިލީސްކުރި ފިލްމު "ދަ ވައިޓް ޓައިގާ" އިން ރާޖްކުމާރް ރާއޯ އާ އެކުގައެވެ. މި ފިލްމަށް އެތަށް ބައެއްގެ ތައުރީފް ލިބިފައިވާއިރު، އޭނާ މީހާރު މަސައްކަތްކުރަމުންދަނީ އޭނާގެ މެމޯރިއަލް ބުކް ރިލީސްކުރުމުގެ މަސައްކަތުގައެވެ.
"އަން ފިނިޝްޑް" ގެ ނަމުގައި ނެރޭ މި ފޮތުގައި އޭނާއަށް ކުޑައިރު ދިމާވި ކަންތައްތަކާއި މިސް ވޯލްޑް ހޯދުމަށް ކުރި ދަތުރާއި ބޮލީވުޑްގައި މިހާރު ހުރި ހިސާބަށް އައުމަށް ކުރި މަސައްކަތްތައް ހިމެނޭނެކަމަށް ރިޕޯޓްތައް ބުނެއެވެ. މިފޮތް ނެރުމަށް ހަމަޖެހިފައި ވަނީ އަންނަ މަހުގެ 9 ވަނަ ދުވަހު އެވެ.
