ކޯވިޑް-19އަށް ޕޮޒިޓިވްވާ މީހުންގެ ޢަދަދު އިތުރުވެފައިވާތީ އިޢުލާންކޮށްފައިވާ ކާރފިއުގެ ވަގުތުގައި ބޭރުގައި އުޅޭމީހުންނާމެދު ފިޔަވަޅު އަޅާނެކަމުގެ އިންޒާރު ފުލުހުން ދީފިއެވެ.
ރޭގަނޑު12:00 އިން ފެށިގެން ފަތިހު04:00 އާއި ހަމައަށް މިމަހުގެ 27 ވަނަ ދުވަހުން ފެށިގެން ދަނީ ކާފިއު ހިންގަމުންނެވެ. ފުލުހުން ބުނީ، މާސްކް ނާޅާ ބޭރުގައި އުޅޭ މީހުންނާއި، ކާފިއު ގަޑީގައި ބޭރުގައި އުޅޭ މީހުންނަށް، އިތުރު އިންޒާރަކާ ނުލައި ޖޫރިމަނާ ކުރާނެކަމަށެވެ. ކާފިއު ގަޑީގައި ބޭރުގައި އުޅޭ މީހުން ހުއްޓުވުމަށް ޚާއްޞަ މަސައްކަތްތަކެއް ކުރާކަމަށް ފުލުހުން ވަނީ ބުނެފައެވެ. ފުލުހުން ވަނީ އެޗްޕީއޭގެ ގައިޑްލައިނާއި އުދޫލްތަކާއި އެއްގޮތަށް ޢަމަލުކުރުމަށް ހުރިހާ ފަރާތްތަކަށް އިލްތިމާސްކޮށްފައެވެ.
Under new restrictions imposed by HPA on 27th January, Police will be enforcing Curfew hours from 12am to 4am.
Wearing masks? is compulsory and will be fined without caution⚠️.Please adhere to HPA guidelines and #PreventTheSpread #BreakTheChain @HPA_MV @MaleCitymv @hdcmaldives pic.twitter.com/ebeZsRtm4a— Maldives Police (@PoliceMv) January 28, 2021
ހެލްތު ޕްރޮޓެކްޝަން އެޖެންސީ، އެޗް.ޕީ.އޭއިން މިމަހުގެ 27 ގައި ނެރެފައިވާ އެންގުމުގައިވަނީ ކޯވިޑް-19 އިން ރައްކާތެރިވުމަށް ޚާއްޞަ ފިޔަވަޅުތަކެއް އަޅުއްވާފައިވާކަމަށެވެ. އެގޮތުން މާލެއާއި ހުޅުމާލެއާއި، ވިލިމާލޭގައި ޕާޓީތަކާ، ޙަފްލާތަކާއި ރަސްމިއްޔާތުތައް ބޭއްވުން މަނާކަމަށާއި، މިމަހުގެ 27 ވަނަ ދުވަހުގެ ރޭ ދަންވަރު 12 އިން ފެށިގެން ފަތިހު 4 އަކަށް މާލެއާއި، ހުޅުމާލެއާއި، ވިލިމާލޭގައި އެއްގަމު އުޅަނދުފަހަރު ދުއްވުމާއި، މަގުމައްޗާއި އާއްމު ތަންތަނަށް މީހުން ނުކުތުން މަނާކަމަށް އެޗްޕީއޭގެ އެންގުމުގައިވެއެވެ.
ކޮމެންޓު ފޮނުވާ