ރެއާލް މެޑްރިޑަށް ކުޅެމުން އަންނަ ނޯވޭގެ އެޓޭކިންގ މިޑްފީލްޑަރ މާޓިން އޮޑިގާޑް ލޯނު އެއްބަސްވުމެއްގެ ދަށުން އާސެނަލް އަށް ސޮއިކޮށްފިއެވެ.
ނެދަލޭންޑްސްގެ އަޔަކްސް އެމްސްޓެޑަމް އިންވެސް ހޯދަން މަސައްކަތްކުރަމުން އައި އޮޑެގާޑް މިދިޔަ ސީޒަންގައި ލޯނު އެއްބަސްވުމެއްގެ ދަށުން ކުޅެފައިވަނީ ސްޕެއިންގެ ރެއާލް ސޮސިއެޑާޑް އަށެވެ. 2015 ވަނަ އަހަރު ރެއާލް މެޑްރިޑާ ގުޅުނު އޮޑެގާޑް މި ސީޒަނުގައި އެ ޓީމަށް ކުޅެފައިވަނީ އެންމެ އަށް މެޗެވެ. މި ސީޒަން ނިމެންދެން އާސެނަލްގައި މަޑުކުރާ ގޮތަށް އޮޑެގާޑް ސޮއިކުރި އިރު ރެއާލް މެޑްރިޑްގައި އުމުރުން 22 އަހަރުގެ މި ކުޅުންތެރިޔާ އަށް މި ސީޒަނުގައި އަދި މާ އެދެވޭ ކުޅުމެއް ދެއްކިފައެއް ނުވެއެވެ.
އޮޑެގާޑް އާސެނަލްގެ ޖޯޒީގައި އެންމެ ފުރަތަމަ ފެންނާނެ ކަމަށް ބެލެވެނީ އަންނަ ހޮނިހިރު ދުވަހު މެންޗެސްޓަރ ޔުނައިޓެޑާ ދެކޮޅަށް ލީގުގައި ކުޅޭ މެޗުގައެވެ.
ކޮމެންޓު ފޮނުވާ