އެމެރިކާގެ ސެނެޓްގައި ޓްރަމްޕްގެ އިމްޕީޗަމްޓާގުޅޭ ޝަރިއަތް އަންނަ ހަފްތާގައި ފެށުމަށް ތައްޔާރު ވެއްޖެއެވެ.
މިގޮތުން، ކޮންގްރެސްގެ ދެޕާޓީގެ އިސްބޭފުޅުންގެ މެދުގައި މަޝްވަރާ ކުރުމަށްފަހު، މިހާރު އެއްބަސްވެފައި ވާގޮތުގައި، އަންނަ ހޯމަ ދުވަހު، ހައުސް އޮފް ރެޕްރެސެންޓޭޓިވްސް އިން ފާސްކޮށްފައިވާ ގަރާރު، (ދައުލަތާ ދެކޮޅަށް ހަމަ ނުޖެހުން އުފެއްދުމުގެ ގަރާރު) ސެނެޓަށް ފޮނުވާނެއެވެ.
ސެނެޓުގައި ކުރުމަށް ހަމަޖެހިފައިވާ ބަހުސް، ފެބްރުއަރީ 8 ވަނަ ދުވަހު ފެށުމަށް ހަމަޖެހިފައިވަނީ، ޖަވާބުދާރީ ވުމަށް ޓްރަމްޕްގެ ގާނޫނީ ވަކީލުންނަށް 2 ހަފްތާގެ މުއްދަތެއް ދިނުމަށްފަހުގައެވެ.
އެމެރިކާގެ ގާނޫނު ހަދާ މަޖިލީހުން ތުހުމަތުކުރާ ގޮތުގައި، މިހިގާ ޖެނުއަރީ މަހުގެ 6 ވަނަ ދުވަހު، ގާނޫނު ހަދާ މަޖިލިސް، ކެޕިޓަލް ހިލްގެ އިމާރާތަށް ޓްރަމްޕްގެ ސަޕޯޓަރުން ހަމަލާ ދީފައިވަނީ، ޓްރަމްޕް އަޑީގަ ހުރެގެންނެވެ.
ފާއިތުވި ހަފްތާގައި ހައުސް އޮފް ރެޕްރެސެންޓޭޓިވްސްއިން ވަނީ، ކެޕިޓަލް ހިލްއަށް ދިން ހަލަމާގެ ޒިންމާ ޓްރަމްޕް ނަންގަވަން ޖެހޭ ކަމަށް ނިންމާ، ސެނެޓްގައި ޝަރީއަތް ކުރިޔަށް ގެންދިއުމަށް ބޭނުންވާ ފުރުތަމަ މަރުހަލާ ފުރިހަމަ ކޮށްފައެވެ. މި ހަމަ ނުޖެހުމާއި ގުޅިގެން ޓްރަމްޕް ކުއްވެރިވާ ކަމަށް އެމެރިކާގެ ސެނެޓުން ނިންމައިފިނަމަ، އެމެރިކާގެ ރައީސްކަމުގެ މަގާމަށް އިތުރަށް ވާދަކުރުމުގެ ފުރުސަތު ޓްރަމްޕަށް ގެއްލިގެން ދިއުމަކީ އެކަށީގެންވާ ކަމެކެވެ.
އަދި މީގެ އިތުރުން ސެނެޓުގައި އޮތް، (އިމްޕީޗްމަންޓް ޓަރިއަލް) އިތުބާރު ނެތްކަމުގެ މައްސަލައާއި ގުޅުންހުރި މިޝަރީއަތުގައި ކަންވެގެންދާ ގޮތަކުން، ކުރީގެ ރައީސެއްގެ ހައިސިއްޔަތުން ލިބިވަޑައިގަންނަވާ އެތަކެއް އިނާޔަތްތަކަކުން ޓްރަމްޕް މަހުރޫމު ވެގެން ދިއުމުގެ ފުރުސަތުވެސް އެބައޮތެވެ.
ކުރީގެ ރައީސުންނަށް ޕެންޝަން ފޯރުކޮށްދޭ ގާނޫނު ބުނާގޮތުން، މަގާމުގައި ހުންނަވަނިކޮށް، މަގާމުން ދުރުކުރެވޭ ރައީސުންނަށް އެގާނޫނުގެ ދަަށުން އެއްވެސް އިނާޔަތެއް ލިބިގެން ނުދާނެއެވެ. އެހެންނަމަވެސް، ގާނޫނު ހަދާ މަޖިލިހުގެ ހައުސް އޮފް ރެޕްރެސެންޓޭޓިވްސްއިން ޓްމްޕްގެ އިތުބާރު ނެތްކަމުގެ ވޯޓުނަގާފައި ވާއިރު، އަދި މިހާރު މައްސަލަ ސެނެޓްގައި އޮވެފައި، ސެނެޓުން ކޮންމެ ގޮތަކަށް ނިންމި ކަމުގައިވި ނަމަވެސް، ދެން ޓްރަމްޕް މަގާމުން ދުރުކުރެވޭ ރައީސަކަށް ވެގެން ނުދާނެއެވެ. ސަބަބަކީ، ޓްރަމްޕް ވެރިކަމުގެ 4 އަހަރުގެ ދުއުރު ފުރިހަމަ ކުރައްވާފައިވާތީއެވެ.
އެމެރިކާގެ ޔުނިވަރސިޓީ އޮފް ނޯތު ކެރޮލީނާގެ ލޯ ޕްރޮފެސަރ މައިކަލް ގާރހާރޓް ވިދާޅުވާ ގޮތުގައި، ޓްރަމްޕް ކުއްވެރިވާކަމަށް އެމެރިކާގެ ސެނެޓުން ނިންމައިފި ނަމަ، ކުރީގެ ރައީސެއްގެ ހައިސިއްޔަތުން ޓްރަމްޕަށް ލިބި ވަޑައިގަންނަވާ ޕެންޝަންގެ އިނާޔަތްތައް ޓްރަމްޕަށް ހައްގު ނުވާނެކަމަށް ނިންމުމަށްޓަކާ ސެނެޓުން ދެވަނަ ވޯޓަކަށް ދާން ޖެހޭނެއެވެ. ގާރހާރޓް ވިދާޅުވާ ގޮތުގައި، ދެވަނައަށް ނެގޭ ވޯޓަކުން، ކުރީގެ ރައީސްގެ މަގާމުން ސެނެޓަށް ޓްރަމްޕް ދުުރުކުރެވިދާނެއެވެ. އެފަދަ ހާލަތެއްގައި، ކުރީގެ ރައީސެއްގެ ހައިސިއްޔަތުން ޓްރަމްޕަށް ލިބިވަޑައިގަންނަވާ ހުރިހާ އިނާޔަތަކުން ޓްރަމަޕް މަހުރޫމް ވެގެން ދާނެއެވެ.
އެމެރިކާގެ ހައުސް އޮފް ރެޕްރެސެންޓޭޓިވްސްއިން ވަނީ 2019 ވަނަ އަހަރުވެސް ޓަރަމްޕްގެ އިތުބާރު ނެތްކަމަށް ނިންމާފައެވެ. އެހެންނަމެވެސް، އެފަހަރު، ޓަރަމްޕް މަގާމުން ދުރުކުރެވޭ ވަރަށް ސެނެޓުގައި ވޯޓު ހަމަކުރެވިފައެއް ނުވެއެވެ. އެހެންނަމަވެސް، ފުރަތަމަ ފަހަރާ ޚިލާފަށް، މިފަހަރުގެ
