ހުޅުމާލޭ ފަޅުތެރޭގައި އޮތް ސަފާރިއެއްގައި ޖިންސީ އަނިޔާގެ ޝިކާރައަކަށްވި ކެންޔާ އަންހެންމީހާގެ ބަޔާން މިމައްސަލަ ބެއްލެވި ފުލުހުން ބަދަލުކޮށްފައިވަނީ "ރޯޔަލް" އޯޑަރަށް ކަމުގައި ނިލަދޫ ދާއިރާގެ ކުރީގެ މެމްބަރު ޑރ.އަބްދުﷲ ޚަލީލް ވިދާޅުވެއްޖެ އެވެ.
ސަފާރީއެއްގައި ކެންޔާ އަންހެނަކު ރޭޕްކުރަން އުޅުނުކަމުގެ ތުހުމަތުމަތުކުރެވޭ ދިވެހި ދެ ފިރިހެނަކު ދޫކޮށްލިކަމަށް ތުހުމަތުކުރާ މައްސަލައަށް ގިނަ ބައެއްގެ ފާޑުކިއުން އޭރު އަމާޒުވިއެވެ. ސަބަބަކީ އަނިޔާލިބުނު އަންހެން މީހާ ހޮސްޕިޓަލަށް ގެންދިއުން ލަސްވުމާއި އެމައްސަލަ ވަކިކޮޅެއގައި ނުޖެހި ކުއްލިއަކަށް ހުއްޓިފައިވާކަމަށް ކުރެވޭ ތުހުމަތުތަކާއި ގުޅިގެންނެވެ.
މި ރޭޕްގެ ޝިކާރައަކަށްވި ކެންޔާ އަންހެމީހާގެ ޤާނޫނީ ޓީމުން ޢާންމުކުރި ވީޑިއޯގައި އެ މައްސަލަ ތަހުގީގު ކުރަމުން ގެންދާ އިންވެސްޓިގޭޝަން އޮފިސަރު އިތުރު މީހަކާއިއެކު އެމައްސަލައިގެ ބަޔާނަށް އުނިއިތުރުކަން ގެނެސް ބަދަލު ކުރުމަށް މަޝްވަރާ ކުރެއެވެ. އެގޮތުން އުނިއިތުރު ގެންނަވީ ކޮންތަންތަނަކަށްތޯ ކޮންބަޔަކަށްތޯ ސުވާލު ކުރާ އަޑުއިވެއެވެ. އަދި ލޯޔަރުން އެމައްސަލަ ލަސްވެގެން ރުޅިގަދަވެފައިވާކަމަށް ފުލުސް މީހަކު ބުނުމުން އެއީ މައްސަލައަކަށް ނުވާނެތޯ އިތުރު ފުލުހަކު ސުވާލުކުރާ އަޑުއިވެއެވެ.
މިކަމާއި ގުޅިގެން ޑރ.އަބްދުﷲ ޚަލީލް ކުރެއްވި ޓްވީޓެއްގައި ވިދާޅުވީ އިންސާފާއި އަދުލުވެރިކަމާއިއެކު ކަންކަން ކޮށްދެއްވާނެކަމަށް ވައުދުވެ ވަރިކަމަށް އައި ބޭފުޅުން މިއަދު ވެރިކަން ކުރަމުންދަނީ އެޔާއި ދިމާ އިދިކޮޅަށެވެ. މިއަދު ދައުލަތުގެ ވެރިންގެ ސީދާ އޯޑަރަށް ފުލުހުން ބަލާ މައްސަލަތަކުގެ ބަޔާން ވަކިގޮތަކަށް ބަދަލުކޮށް ބާރާއި ނުފޫޒު އިންތިހާއަށް މުއައްސަސާތަކަށް ފޯރުވަމުންދާކަމަށް ޑރ.ޚަލީލް ވިދާޅުވި އެވެ.
އިންސާފު ގާއިމްކޮށްދޭނެ ކަމަށް ވަޢުދުވެ ވެރިކަމަށް އައިފަރާތްތަކުގެ ޢަމަލުތައް މިހުރީ ކަންބޮޑުވާ ދަރަޖައަކަށް. ބަޔާން ބަދަލުކުރުމުގެ ޢަމަލު ޕޮލިސްގެ އައިއޯހިނގާފަވާނީ އޭނާގެ އަމިއްލަ ވިސްނުމަކަށްނޫން. އަންނަ "ރޯޔަލް" އޯޑަރަކަށް. ޑރ.ޚަލީލް ވިދާޅުވި އެވެ.
ޖިންސީ އަނިޔާގެ ޝިކާރައަކަށްވި އަންހެންމީހާގެ ވަކީލު އަލްއުސްތާޛާ ޝަފިއްޔާ ރިޒާ އެވީޑިއޯއާއެކު ކުރެއްވި ޓްވީޓެއްގައި ވިދާޅުވެފައިވަނީ ޖިންސީ އަނިޔާގެ ޝިކާރައަކަށްވި މީހާއަށާއި، އޭނާގެ ވަކީލުންނަށް ފުލުހުންގެ ތަހުޤީޤު އޮފިސަރުން މަލާމާތްކޮށް އެމައްސަލއިގެ ބަޔާން ބަދަލުކުރުމާމެދު މަޝްވަރާކުރާ އެ ވީޑިޔޯއިން ފުލުހުންގެ ނިޔަތް ވަރަށް ސާފުކަމަށެވެ.
ފުލުހުންގެގެ ސުލޫކީ މިންގަނޑާއި ޚިލާފުވެފައިވާ މިމައްސަލަ ޕްރޮސެކިއުޓަރ ޖެނެރަލްގެ އޮފީހަށާއި، ނޭޝަނަލް އިންޓަގްރިޓީ ކޮމިޝަނަށްވެސް ހުށައަޅުއްވާނެކަމަށް ރޭޕްގެ ޝިކާރައަކާށްވި ކެންޔާ އަންހެންމީހާގެ ވަކީލު ވިދާޅުވިއެވެ. އޭނާވަނީ ކޮމިޝަނަރ އޮފް ޕޮލިސް މުޙައްމަދު ޙަމީދު ޓެގްކުރައްވާ މިކަމުގަި އިންސާފާއި އަދުލުވެރިކަން ޤާއިމްކޮށްދިނުމަށް ގޮވާލައްވާފައެވެ.
ކޮމެންޓު ފޮނުވާ