ގއ.ދާންދޫގައި ރޭ ހިންގި މާރާމާރީއާއި ގުޅިގެން ކޯޓު އަމުރެއްގެ ދަށުން9 މީހަކު ފުލުހުންގެ ބެލުމުގެ ދަށަށް ގެންގޮސްފިއެެވެ.
ފުލުހުން ވިދާޅުވީ ރޭ ދަންވަރު11:25 ހާއިރު ހިނގި މިހާދިސާގައި3 މީހަށް އަނިޔާވެއިވާކަމަށެވެ. މީގެ ތެރެއިން އެކެއްގެ ހާލު ސީރިއަސްވެގެން އޭނާ މާލެ ގެނައުމުގެ މަސައްކަތް ދަނީ ކުރަމުންނެވެ. އޭނާ އަށް މިހާރު ފަރުވާދެނުންދަނީ ގއ.ވިލިނގިލި ހޮސްޕިޓަލުގައެވެ.
މާރާމާރީ ހިންގާފައިވަނީ އެ ރަށުގެ ދެގްރޫޕެއްގެ ދެމެދުގައި ކަމަށް މައުލޫމާތު ލިބިވަޑައިގެންފައިވެ އެވެ. 27 އަހަރުން ދަށުގެ އުމުރުފުރާތަކުގެ ޒުވާނުން ހިމެނޭ މި ދެ ގްރޫޕަކީވެސް ރަށުގައި ދޭތެރެ ދޭތެރެއިް އަރައިރުންވާ ދެ ގްރޫޕްކަމަށް މައުލޫމާތު ލިބިފައިވެ އެވެ. މީގެ ތެރެއިން ސީރިއަސް އަނިޔާތަކެއް ލިބުނީ ވިއްސަކަށް އަހަރުގެ ޒުވާނަކަށް ކަމުގަައި ވެއެވެ. އޭނާގެ ބޮލަށް ވަނީ ތޫނު އެއްޗަކުން ހަމަލާދީފައެވެ.
މާރާމާރީ ހިނގީ ކެފޭއެއްގެ ތެރޭގައި ބަޔަކު ތިއްބާ ހިނގި ދެބަސްވުމަކަށް ފަހުއެވެ. މިމައްސަލާގައި މިހާތަނަށް9 މީހަކު ހައްޔަރު ކޮށްފައިވާއިރު މިމައްސަލަ ފުލުހުން ދަނީ އިތުރަށް ތަހުގީގް ކުރަމުންނެވެ.
