ކޯވިޑް-19އަށް ޕޮޒިޓިވްވެގެން ދަރުމަވަންތަ ހޮސްޕިޓަލުގައި ފަރުވާދެމުންދިޔަ މީހަކު ނިޔާވެއްޖެއެވެ.
މިއަދު މެންދުރުފަހު 14:20 ގައި ނިޔާވީ މިމީހާއަކީ ޢުމުރުން 56 އަހަރުގެ ދިވެހި އަންހެނެއް ކަމަށް އެޗްއީއޯސީން ހާމަކޮށްފައިވެއެވެ. މިއީ ރާއްޖެއިން މިބަލީގައި ނިޔާވި 35ވަނަ މީހާއެވެ. މިބަލީގައި މިހާތަނަށް ނިޔާވެފައި ވަނީ 28 ދިވެއްސަކާއި 7 ބިދޭސީންނެވެ.
Today at 02:20pm, a 56 yrs old Maldivian female admitted at DH11 has passed away.
This is the 35th #COVID19 death in the Maldives.
Our thoughts and prayers are with the bereaved family. May Allah grant her soul eternal peace in heaven.
— Health Protection Agency (@HPA_MV) October 11, 2020
އެންމެފަހުން މިބަލީގައި ރާއްޖެއިން މީހަކު ނިޔާވީ ސެޕްޓެމްބަރު މަހުގެ 21 ވަނަ ދުވަހުގަ އެވެ. ރާއްޖޭގައި ކޯވިޑް-19ގެ އެކްޓިވް ކޭސްތަކުގެ ޢަދަދު 1135 އަށް އަރާފައިވާއިރު 376 މީހަކު މިހާރުވެސް އަންނަނީ އައިސޮލޭޝަން ފެސިލިޓީތަކުގައި ފަރުވާ ހޯދަމުންނެވެ. އަދި ހޮސްޕިޓަލުތަކުގައި އެޑްމިޓްކޮށްގެން 73 މީހަކަށް އަންނަނީ ފަރުވާ ދެމުންނެވެ.
ރާއްޖެއިން މިހާތަނަށް ކޯވިޑް 19 އަށް 10،859 މީހަކުވަނީ ޕޮޒިވްވެފައެވެ. ބަލިން ރަނގަޅު ވެފައިވަނީ 9683 މީހުންނެވެ.
ކޯވިޑް-19 އަށް ރާއްޖޭގައި އަޅާފައިވާ ފިޔަވަޅުތަކަށް ލުއިތައް ދެމުންދިޔަނަމަވެސް ބައްޔާއިމެދު ފަރުވާ ކުޑަ ނުކުރުމަށް އެޗްޕީއޭއިން ވަނީ އިލްތިމާސް ކުރައްވާފަ އެވެ.
ކޮމެންޓު ފޮނުވާ