ރާއްޖެއިން ބޭރުގެ އެކި ގައުމުތަކަށް ކަނޑައަޅާ ނޮން-ރެސިޑެންޓް ސަފީރުކަމަށް ތިން ބޭފުޅަކު އައްޔަންކުރެއްވުމަށް ރުހުން ހޯއްދެވުމަށް ރައީސުލްޖުމްހޫރިއްޔާ ޑރ. މުހައްމަދު މުއިއްޒު ރައްޔިތުންގެ މަޖިލީހަށް މިއަދު ފޮނުއްވައިފިއެވެ.
ރައީސް މަޖިލީހަށް ފޮނުއްވި ސިޓީފުޅުގައި އެދިވަޑައިގެންފައިވަނީ، އދ. އަށް ރާއްޖެއިން ކަނޑައަޅާފައި ހުންނަވާ ދާއިމީ މަންދޫބު ޑރ. އަލީ ނަސީރު މުހައްމަދު އާޖެންޓީނާގެ ނޮން-ރެސިޑެންޓް ސަފީރުކަމަށް އައްޔަންކުރެއްވުމަށެވެ. މީގެ އިތުރުން ކެމްބޯޑިއާ އަދި ވިއެޓްނާމްގެ ނޮން-ރެސިޑެންޓް ސަފީރުކަމަށް މަރްޔަމް މިދުފާ ނައީމް އައްޔަންކުރެއްވުމަށާއި، ހެލެނިކް ރިޕަބްލިކްގެ ނޮން-ރެސިޑެންޓް ސަފީރުކަމަށް ހަސަން އާދަމް އައްޔަންކުރެއްވުމަށްވެސް ވަނީ ހުށަހަޅުއްވާފައެވެ.
މަޖިލީހުގެ މިއަދުގެ ޖަލްސާގައި ރައީސްގެ މި ސިޓީފުޅު އިއްވުމާ ގުޅިގެން، ރިޔާސަތުން ވަނީ މި މައްސަލަ އިތުރަށް ދިރާސާކުރުމަށްޓަކައި މަޖިލީހުގެ ޚާރިޖީ ގުޅުންތަކާ ބެހޭ ކޮމިޓީއަށް މިހާރު ފޮނުއްވާފައެވެ.
ކޮމެންޓު ފޮނުވާ