ބަހްރައިންގެ ވެރިރަށް މަނަމާގައި ހުންނަ އިސްރާއީލުގެ އެމްބަސީއަށް އަމާޒުކޮށް، އީރާނުން ރޭ ވައިގެ މަގުން ހަމަލާއެއް ދީފިއެވެ.
މި ހަމަލާއާ ގުޅޭގޮތުން އީރާނުގެ ފާރސް ނިއުސް އޭޖެންސީން ބުނެފައިވަނީ، ހަމަލާ އަމާޒުކޮށްފައިވަނީ މަނަމާގެ ފައިނޭންޝަލް ހާބަރު ޓަވާސް ކޮމާޝަލް ކޮމްޕްލެކްސްއަށް ކަމަށެވެ. އެ ސަރަހައްދަށް ހަމަލާދީފައިވަނީ އެއީ ބަހްރައިންގައި ހުންނަ އިސްރާއީލުގެ އެމްބަސީ ހިންގަމުން އަންނަ އިމާރާތް ކަމަށް ވާތީ ކަމަށް އެ ނޫހުން ރިޕޯޓުކުރެއެވެ.
ބައިނަލްއަޤްވާމީ މީޑިއާއެއް ކަމަށްވާ ރޮއިޓާސްއިން ރިޕޯޓުކޮށްފައިވާ ގޮތުގައި، އެ ކޮމްޕްލެކްސް ކައިރިން އީރާނުގެ ޑްރޯނެއް ވަނީ ހުއްޓުވައި ވައްޓާލާފައެވެ. އިސްރާއީލު އެމްބަސީ ހުންނަ ފައިނޭންޝަލް ހާބަރު ޓަވަރުތަކުގެ މަތިން މި ޑްރޯން ގޮއްވާލި ވަގުތު، އެ ސަރަހައްދުން ދުން އަރަމުން ދިޔަ މަންޒަރު ފެނިފައިވާ ކަމަށްވެސް ރިޕޯޓުތައް ބުނެއެވެ.
މި ހާދިސާ ހިނގި ނަމަވެސް، ހަމަލާގެ ސަބަބުން އެއްވެސް މީހަކަށް ޖިސްމާނީ ގެއްލުމެއް ލިބިފައިވާ ކަމުގެ ރިޕޯޓެއް މިހާތަނަށް ލިބިފައެއް ނުވެއެވެ.
ކޮމެންޓު ފޮނުވާ