ފުއްޕާމޭގައި ފެންހެދި، ޑައިރެކްޓަރު އަމްޖޭ ހޮސްޕިޓަލުގައި
ދިވެހި ފިލްމީ ދާއިރާގެ ނަންހިނގާ ޑައިރެކްޓަރު އަމްޖަދު އިބްރާހިމް (އަމްޖޭ) ހޮސްޕިޓަލުގައި ފަރުވާ ހޯދަން ފަށައިފިއެވެ.
ފުއްޕާމޭގައި ފެންހެދި، ސިއްހީ ހާލަތު ގޯސްވުުމާ ގުޅިގެން ޓްރީޓޮޕް ހޮސްޕިޓަލުގެ ސީސީޔޫގައި ފަރުވާ ދެމުންދާ އިރު، އަމްޖޭ ބަލިވެ އުޅޭތާ ދުވަސްތަކެއް ވެއްޖެ ކަމަށް ‘ގާތް ބައެއް ފަރާތްތަކުން މައުލޫމާތު ދީފައި ވެއެވެ.
އަމްޖޭ އަކީ ދިވެހި ސިނަމާގައި ފާހަގަކޮށްލެވޭ ފިލްމުތަކެއް ގެނެސްދީފައިވާ ޑައިރެކްޓަރެކެވެ. ފިލްމުތަކުގެ ސްކްރީންޕްލޭ ލިޔެ ޑައިރެކްޓުކުރި ގިނަ ފިލްމުތައް ދިވެހި ބެލުންތެރިންގެ ތެރޭގައި ވަރަށް ބޮޑަށް މަގުބޫލުވިއެވެ. އުދަބާނި، މިލަ ހަނދުވަރު، ސަނދުރަވިރޭ، ބާރައިގެ ފަސް، ދިން ވޭނުގެ ހިތާމައިގައި އަދި ދޮންކަމަނަ އަކީ އޭގެ ތެރެއިން ފާހަގަކޮށްލެވޭ ބައެއް ފިލްމުތަކެވެ.
2006 ވަނަ އަހަރު ޕާފޯމިން އާޓްސްގެ ދާއިރާއިން ފިލްމު ޑައިރެކްޓު ކުރުމުގެ ގައުމީ އެވޯޑު ހާސިލުކުރި އަމްޖޭ، 2011 ވަނަ އަހަރު ބޭއްވި ފުރަތަމަ ފިލްމު އެވޯޑްސްގައި ވެސް ބެސްޓް ޑައިރެކްޓަރުގެ ނޮމިނޭޝަނެއް ހޯދިއެވެ.
ކޮމެންޓު ފޮނުވާ