ހެންވޭރު ގެއެއްގެ ދެވަނަ ފަންގިފިލާގައި ރޯވި އަލިފާން ގަޑިއެއްހާއިރުން ނިއްވާލައިފި

ހެންވޭރު ގެއެއްގެ ދެވަނަ ފަންގިފިލާގައި ރޯވި އަލިފާން ގަޑިއެއްހާއިރުން ނިއްވާލައިފި

Author
އަހުމަދު
22 ނޮވެމްބަރ 2026 09:16
0

 

ހެންވޭރު، ހ.ބެރަބެދިމާގޭގެ ދެވަނަ ފަންގިފިލާގައި ރޭ ރޯވި އަލިފާން ނިއްވާލެވިއްޖެއެވެ. މި ހާދިސާގައި އެއްވެސް މީހަކަށް އަނިޔާއެއް ލިބިފައެއް ނުވެއެވެ.

ޤައުމީ ދިފާއީ ބާރުން ބުނީ، އަލިފާނުގެ ހާދިސާއާ ބެހޭ މަޢުލޫމާތު ލިބުނީ ރޭ 23:25 ހާއިރު ކަމަށެވެ. ދެން ވަގުތުން ދިފާއީ ބާރުގެ ފަޔަރ އެންޑް ރެސްކިއު ސަރވިސްގެ ފަޔަރފައިޓަރުން ހާދިސާ ހިނގި ތަނަށް ގޮސް އަލިފާން ނިއްވުމުގެ މަސައްކަތް ފެށިއެވެ.

ގާތްގަނޑަކަށް ގަޑިއެއްހާ ވަގުތު ނަގައިގެން، ރޭ 00:39 ހާއިރު އަލިފާން އެއްކޮށް ނިއްވާލެވުނު ކަމަށް ދިފާއީ ބާރުން މަޢުލޫމާތު ދިނެވެ.

އަލިފާން ރޯވި ސަބަބެއް އަދި އެ ހާދިސާގައި ލިބުނު ގެއްލުމުގެ މިންވަރެއް ހާމަކޮށްފައެއް ނުވެއެވެ.

ކޮމެންޓު ފޮނުވާ

ކޮމެންޓު

އެތިކަމަކު ކޮމެންޓު ނެތެވެ.