ހައިފާގައި ގާއިމުކޮށްފައިވާ އިޒްރޭލުގެ އަސްކަރީ މަރުކަޒަކަށް އަމާޒުކޮށް ދިން ވަރުގަދަ ހަމަލާގެ ޒިންމާ ލުބުނާނުގެ ހިޒްބުﷲ ޖަމާއަތުން އުފުލައިފި އެވެ.
އެ ޖަމާއަތުން ނެރުނު ބަޔާނެއްގައި ބުނެފައިވާ ގޮތުން، މިއީ އީރާނުގެ ރޫހާނީ ލީޑަރު އާޔަތުﷲ އަލީ ހާމަނައީ އަވަހާރަކޮށްލުމާ ގުޅިގެން އެކަމުގެ ބަދަލު ހިފުމުގެ ގޮތުން ދިން ހަމަލާއެކެވެ. މީގެ އިތުރުން މިއީ ލުބުނާނާއި އެ ގައުމުގެ ރައްޔިތުންގެ ހިމާޔަތާއި ދިފާއުގައި، އިޒްރޭލުގެ އުދުވާންތަކަށް ދިން ރައްދެއް ކަމަށްވެސް އެ ޖަމާއަތުން ވަނީ ހާމަކޮށްފަ އެވެ.
އިޒްރޭލުން ހިންގަމުންދާ ޖަރީމާތައް ހުއްޓާނުލާ ނަމަ، މީގެ ފަހުން ދޭ ރައްދު މިއަށްވުރެ ވަރުގަދަ ވާނެކަމުގެ އިންޒާރު ވެސް ހިޒްބުﷲ އިން ވަނީ ދީފަ އެވެ.
މި ހަމަލާއާ ގުޅިގެން އިޒްރޭލުން ވަނީ ފިޔަވަޅު އަޅަން ފަށާފަ އެވެ. އެގޮތުން ހިޒްބުﷲގެ މަރުކަޒުތަކަށް އަމާޒުކޮށް ކަމަށް ބުނެ، އިޒްރޭލު ސިފައިން މިހާރު ވަނީ ލުބުނާނުގެ އެކި ސަރަހައްދުތަކަށް ބޮން އަޅައި ހަމަލާތައް ދޭން ފަށާފަ އެވެ.
ކޮމެންޓު ފޮނުވާ