މޯލްޑިވްސް ނޭޝަނަލް ކޮލިފިކޭޝަންސް އޮތޯރިޓީ (އެމްކިއުއޭ) އިން އެވިޑް ކޮލެޖަށް ފިޔަވަޅު އަޅައިފިއެވެ.
ދިވެހިރާއްޖެއިން ބޭރުގައި އެކްރެޑިޓޭޝަން ދީފައިވާ ޕްރޮގްރާމްތައް ހިންގުމާ ބެހޭ ގަވާއިދާ ހިލާފަށް އެވިޑް ކޮލެޖުން ސްރީލަންކާގައި ޕްރޮގްރާމްތައް ހިންގަމުން އަންނަތީ އެމްކިއުއޭއިން އެކަން ކުށްވެރިކޮށް އެ ކޮލެޖަށް ނަސޭހަތްދީ މި މައްސަލަ އާންމުކޮށް އިއުލާންކޮށްފައި ވެއެވެ. އެވިޑް ކޮލެޖަށް އެކްރެޑިޓޭޝަން ދީފައިވާ ޕްރޮގްރާމްތައް ސްރީލަންކާގެ އެކި ޔުނިވާސިޓީ އަދި ކޮލެޖްތަކުގައި ހިންގައި އެވިޑްގެ ސަނަދު ދީފައިވާކަމަށް އެމްކިއުއޭއިން ބުނެއެވެ. އެމްކިއުއޭއިން ފާހަގަކުރި ގޮތުގައި ސްރީލަންކާގެ މި އިންސްޓިޓިއުޓްތަކަކީ އެ ގައުމުގެ މަތީ ތަޢުލީމާ ބެހޭ އިދާރާތަކުގައި ރަޖިސްޓްރީވެފައިވާ އިންސްޓިޓިއުޓްތަކެއް ނޫނެވެ. މިއީ އެވިޑް ކޮލެޖްގެ މައްޗަށް މިމައްސަލާގައި އަޅާ ފުރަތަމަ ފިޔަވަޅެވެ.
ކޮމެންޓު ފޮނުވާ