ކުޅުދުއްފުށި ސިޓީގައި މަސްތުވާތަކެތި ގެންގުޅުމާއި ބޭނުންކުރުމުގެ ތުހުމަތުގައި ދެމީހަކު ހައްޔަރުކޮށްފިއެވެ. މި މައްސަލައިގައި ހައްޔަރުކުރި ބަޔަކީ ހދ. ނޮޅިވަރަން މުރިނގުގެ އަޙްމަދު ޢަބްދުއްރައްޒާޤު (35އ) އާއި ބަންގްލަދޭޝް ރައްޔިތު ހޮސައިން ރިއާޒް (28އ) އެވެ.
ފުލުހުން ހާމަކުރި ގޮތުގައި މި މަހުގެ 3 ވަނަ ދުވަހު ކުޅުދުއްފުށީގައި އަޙްމަދު ހުއްޓުވައި ބަލައިފާސްކުރިއިރު މަސްތުވާތަކެތި ކަމަށް ބެލެވޭ ހަތަރު ރަބަރުކޮޅު ފެނިފައިވެއެވެ. އޭނާ 15 ދުވަހަށް ބަންދުކުރުމަށް ކޯޓުން އަމުރުކޮށްފައިވެއެވެ. ހޮސައިން ރިއާޒް ހައްޔަރުކުރީ މި މަހުގެ 2 ވަނަ ދުވަހު އޭނާގެ ގާތުން މަސްތުވާތަކެތި ކަމަށް ބެލެވޭ ރަބަރުކޮޅެއް ފެނިގެންނެވެ. އޭނާ ފަސްދުވަހަށް ބަންދުކުރަން ކޯޓުން އަމުރުކޮށްފައިވެއެވެ. ދެ މައްސަލަ ވެސް ފުލުހުން ތަހުގީގުކުރަމުންދެއެވެ.
ކޮމެންޓު ފޮނުވާ