މަސްތުވާތަކެތި ގެންގުޅުމުގެ ކުށުގައި ވިލިމާލެއިން ފުލުހުން މީހަކު ހައްޔަރުކޮށްފިއެވެ. ހައްޔަރުކޮށްފައިވަނީ ވ. ސެޓެލައިޓް، އަޙްމަދު ނަޢީމް، 39 އަހަރެވެ.
މި މަހުގެ 27 ވަނަ ދުވަހު ހިންގި އޮޕަރޭޝަނެއްގައި އަޙްމަދު ނަޢީމް ހައްޔަރުކޮށް އޭނާ ދިރިއުޅޭ ކޮޓަރި ބަލައިފާސްކުރިއިރު މަސްތުވާތަކެތި ކަމަށް ބެލެވޭ އެއްޗެތި ރަބަރު ޕެކެޓުތަކެއްގައި ހިމެނޭގޮތަށް ފެނިފައިވާކަމަށް ފުލުހުން ބުނެއެވެ. މި ތަކެތީގެ ވަގުތީ ބަރުދަނަކީ 3.8 ގުރާމެވެ. އަޙްމަދު ނަޢީމް ކޯޓަށް ހާޒިރުކުރުމުން ދެ ދުވަހުގެ މުއްދަތަކަށް ބަންދުކުރުމަށް އަމުރުކޮށްފައިވާއިރު، މި މައްސަލަ ފުލުހުން ތަހުގީގުކުރަމުންދާކަމަށްވެސް ވަނީ ބުނެފައެވެ.
ކޮމެންޓު ފޮނުވާ