ގެދޮރުވެރިޔާ ސްކީމުގެ ދަށުން ގޯތި ދޫކޮށްފައިވާ ގުޅީފަޅާއި ގިރާވަރުފަޅުގެ ބާކީ ހުރި ސަރަހައްދުތައް ކުރިއަށް އޮތް ތިން މަސް ދުވަހުގެ ތެރޭގައި ހިއްކާ ނިންމާލެވޭނެ ކަމަށް ރައީސް ޑރ. މުޙައްމަދު މުޢިއްޒު ވިދާޅުވެއްޖެއެވެ.
"ޔޫތު ކޮފީ ވިތު ޕްރެޒިޑެންޓް" ޕްރޮގްރާމުގައި ޒުވާނެއްގެ ސުވާލަކަށް ޖަވާބު ދެއްވަމުން ރައީސް ވިދާޅުވީ ހުޅުމާލެ ފޭސް ތިނެއްގެ މަސައްކަތް ދެ ޑްރެޖަރު ބޭނުންކޮށްގެން ސައުވީސް ގަޑިއިރު ހުއްޓުމެއް ނެތި ކުރިއަށްދާ ކަމަށެވެ. އެ މަސައްކަތް ނިމުމާއެކު ގިރާވަރުފަޅު ހިއްކަން ފެށޭނެ ކަމަށާއި އަންނަ މަހު އެ މަސައްކަތް ފެށޭނެ ކަމަށް ވެސް ވިދާޅުވިއެވެ.
ގުޅީފަޅުގެ ގޯތި ދޫކުރި ހުރިހާ ސަރަހައްދެއް މިހާރު ހިއްކާ ނިމިފައިވާ ކަމަށް ރައީސް ފާހަގަކުރެއްވިއެވެ. އެ ތަނުން ގޯތި ލިބުނު ފަރާތްތަކުގެ ތެރެއިން ދެ ހާހަށް ވުރެ ގިނަ މީހުންނަށް މިހާރު ވަނީ ރަޖިސްޓްރީ ހަވާލުކޮށްފައެވެ. ގެދޮރުވެރިޔާ ސްކީމުގެ ދަށުން ގުޅީފަޅުން ރަޖިސްޓްރީ ދޫކުރަން ފެށީ މިދިޔަ ޖުލައި މަހުގެ 12 ވަނަ ދުވަހުއެވެ.
ކޮމެންޓު ފޮނުވާ