މަސްތުވާތަކެތި ގެންގުޅެ ބޭނުންކުރި ކަމުގެ ތުހުމަތުގައި 19 އަހަރުގެ ޒުވާނަކު ހައްޔަރުކޮށް، 15 ދުވަހަށް ބަންދުކުރުމަށް ކްރިމިނަލް ކޯޓުން އަމުރުކޮށްފިއެވެ.
އެ ޒުވާނާގެ ހަށިގަނޑާއި ބޮކްސާ ދޭތެރެއިން 11 ރަބަރު ޕެކެޓް މަސްތުވާތަކެތި ފެނިފައިވާ އިރު، އެއީ އަމިއްލަ ބޭނުމަށް ގަނެފައިވާ ތަކެތި ކަމަށް އޭނާ ވަނީ އެއްބަސްވެފައެވެ. އޭނާގެ ކުޑަކަމުދާ ތަކެތި މަސްތުވާތަކެއްޗަށް ޕޮޒިޓިވްވެފައިވާ އިރު، ކުށުގެ ރެކޯޑް ވެސް އެބައޮތެވެ.
ބޮކްސާ ތެރޭ މަސްތުވާތަކެތި ފޮރުވައިގެން އެތެރެކުރުމުގެ މައްސަލަތައް މީގެ ކުރިން ވެސް ފެންމަތިވެފައިވެއެވެ. އެގޮތުން މިދިޔަ ސެޕްޓެމްބަރު މަހު ވެސް މި ގޮތަށް ޑްރަގް އެތެރެކުރި 50 އަހަރުގެ މީހަކު ޝަރީއަތް ނިމެންދެން ބަންދުކޮށްފައިވެއެވެ.
ކޮމެންޓު ފޮނުވާ