ފިލަން އުޅުނު ޒުވާނެއްގެ އަތުން މަސްތުވާތަކެތި ފެނިގެން ހައްޔަރުކޮށްފި

ހުޅުމާލެ ފޭސް 1 ގައި ޕެޓްރޯލްކުރަމުން ދިޔަ ފުލުހުން ފެނުމުން ފިލަން މަސައްކަތްކުރި ޒުވާނެއްގެ އަތުން މަސްތުވާތަކެތި ފެނި އޭނާ ހައްޔަރުކޮށްފިއެވެ.

މި މައްސަލައިގައި ހައްޔަރުކޮށްފައިވަނީ އުމުރުން 23 އަހަރުގެ މުހައްމަދު ޝައިޙާން، މާލެ / ހުޅުމާލެ ފްލެޓް 03-2-161 އެވެ. ފުލުހުން ބުނީ އޭނާ ސައިކަލުގައި ދުއްވާފައި ދަނިކޮށް ފުލުހުން ފެނުމުން ސްޕީޑް ބާރުކޮށް ފިލަން އުޅުމުން ހުއްޓުވައި ބަލައިފާސްކުރިއިރު، މަސްތުވާތަކެތި ކަމަށް ޝައްކުކުރެވޭ އެއްޗެއް ހުރި ފިލްމު ހުސްކުރި ދަޅެއް ފެނިފައިވާ ކަމަށެވެ.

ޝައިޙާންގެ ބަންދާ މެދު ގޮތެއް ނިންމުމަށް ކޯޓަށް ހާޒިރުކުރުމުން 5 ދުވަހަށް ބަންދުކުރުމަށް ވަނީ އަމުރުކޮށްފައެވެ. މި މައްސަލަ ފުލުހުން ދަނީ ތަހުގީގު ކުރަމުންނެވެ.