ހައިކޯޓުގެ ފަނޑިޔާރު މުހައްމަދު ފައިސަލް މިއަދު މަގާމުން އިސްތިއުފާ ދެއްވީ، އޭނާގެ މައްޗަށް ކޮރަޕްޝަނާއި މަނީ ލޯންޑަރިންގެ ސީރިއަސް ތުހުމަތުތަކެއް ކުރެވިފައިވާ ދަނޑިވަޅެއްގައެވެ.
އެންޓި ކޮރަޕްޝަން ކޮމިޝަނުން މިރޭ ހާމަކުރި ގޮތުގައި، ހައިކޯޓުގެ ފަނޑިޔާރެއްގެ މައްޗަށް ކޮރަޕްޝަނާއި މަނީ ލޯންޑަރިންގެ މައްސަލައެއް އެ ކޮމިޝަނުގައި ރަޖިސްޓަރީ ކޮށް، ތަހުގީގު ކުރަމުން އަންނަ ކަމަށެވެ. އެއީ ކޮން ފަނޑިޔާރެއްކަން އޭސީސީން ރަސްމީކޮށް ހާމައެއް ނުކުރި ނަމަވެސް، އެ ތުހުމަތުތައް އަމާޒުވެފައިވަނީ މިއަދު ކުއްލިއަކަށް އިސްތިއުފާ ދެއްވި ފަނޑިޔާރު ފައިސަލްއަށް ކަމަށް ފާހަގަވެއެވެ.
މީގެ އިތުރުން ޖުޑީޝަލް ސާވިސް ކޮމިޝަނުން ވެސް ފައިސަލްއާ ގުޅޭ މައްސަލަތަކެއް ބަލަމުން ގެންދާކަން ހާމަވެފައިވެއެވެ. އެގޮތުން ނުހައްގު މުއްސަނދިކަން ހޯއްދެވިކަމުގެ ތުހުމަތުތައް ހިމެނޭކަމަށް މައުލޫމާތު ލިބިފައިވެއެވެ. ފަނޑިޔާރު ފައިސަލް މަގާމުން އިސްތިއުފާ ދެއްވި ސަބަބެއް ހާމައެއް ނުކުރައްވައެވެ.
ކޮމެންޓު ފޮނުވާ