ހައި ކޯޓުގެ 11 ފަނޑިޔާރުންގެ ތެރެއިން ފަސް ފަނޑިޔާރުންގެ މައްސަލަތައް ޖުޑީޝަލް ސާވިސް ކޮމިޝަނުން ބަލަން ފަށައިފި އެވެ. މި ބެލުންތަކުގެ ތެރޭގައި އެންމެ ސީނިއަރ ފަނޑިޔާރު ކަމަށްވާ މުހައްމަދު ނިޔާޒްގެ ފަސް މައްސަލައެއް ހިމެނެއެވެ. ނިޔާޒް މިހާރު ރިޓަޔާ ވުމަށް ހުށަހަޅުއްވައި، ޖޭއެސްސީން އެ ފުރުސަތު ދެއްވާފައިވެ އެވެ.
މީގެ އިތުރުން ހައި ކޯޓުގެ އިސް ފަނޑިޔާރު ކަމަށް ކުރިން އައްޔަން ކުރި ފަނޑިޔާރު މުހައްމަދު ފައިސަލްގެ ސުލޫކީ މައްސަލައެއް ވެސް ބަލަމުން ދެއެވެ. އެ މަގާމަށް އައްޔަން ކުރިއެއް ކަމަކު ރަސްމީ ގޮތުން އޭނާއާ މަގާމު ހަވާލުކޮށްފައެއް ނުވެ އެވެ. ފައިސަލް ދާދިފަހުން ހައި ކޯޓުގެ ހިންގުން ހަވާލުވެ ހުންނެވި މަގާމުން އިސްތިއުފާ ދެއްވައިފައިވަނީ އޭނާގެ މައްސަލަ ޖޭއެސްސީން ބަލަމުންދާތީ އެވެ.
ހުސެއިން މަޒީދު، ފާތިމަތު ފަރުހީޒާ، އަދި ދީބާނާޒް ފަހުމީ ވެސް ތިއްބަވަނީ ބެލުންތެރިކަމުގެ ދަށުގަ އެވެ. މި ތިން ފަނޑިޔާރުންނާއި ނިޔާޒްގެ އިތުރުން ފައިސަލް ވެސް ހައި ކޯޓަށް އައްޔަން ކުރެއްވީ ކުރީގެ ސަރުކާރުގެ ތެރޭގަ އެވެ. މި ހާލަތުގައި ހައި ކޯޓުގެ ވަގުތީ ހިންގުން މިދިޔަ މަހު އައްޔަން ކުރި ފަނޑިޔާރު އަބްދުﷲ ޖަމީލް މޫސާއާ ހަވާލުކޮށްފައިވެ އެވެ.
ކޮމެންޓު ފޮނުވާ